Lausanako Hitzarmena (frantsesez: Traité de Lausanne) gaur egungo Turkiako mugak ezarri zituen bake-hitzarmena izan zen. Greziako Erresumak, Turkiak eta Lehen Mundu Gerrako Aliatuek Suitzako Lausanan sinatu zuten 1923ko uztailaren 24an. Izenpetu baino lehen, Lausanako bake-konferentzia egin zuten: 1922ko urrian hasi zen, 1923ko otsailean eten egin zuten, euren arteko eztabaidengatik, eta apirilean berriz ekin zioten.
Sinatzaile nagusiak İsmet İnönü turkiarra eta Greziako Eleftherios Venizelos izan ziren. Besteak beste, muga eta jabetza berriak ezarri zituzten, eta biztanleriaren trukea ere hitzartu zuten (Turkiako grekoak Greziara bidali zituzten, eta Greziako turkiarrak Turkiara, salbuespenak salbu).
Datuak: Q193258
Multimedia: Treaty of Lausanne / Q193258