Idilioa (Gérôme)

Idilioa (Gérôme)
Irudi gehiago
Jatorria
Sortzailea(k)	Jean-Léon Gérôme
Sorrera-urtea	1852
Mugimendua	Akademizismoa
Ezaugarriak
Materiala(k)	olio-pintura eta Margo-oihala
Dimentsioak	212,1 () × 155,9 () cm
Genero artistikoa	biluzia
Egile-eskubideak	jabetza publiko
Deskribapena
Kokapena
Lekua	Massey museoa
Bilduma	Massey museoa
Inbentarioa	872.1.1

Idilioa, Dafne eta Kloe, baita ere Xalotasuna (frantsesez: 'L'Idylle' baita ere frantsesez: 'L'Innocence') Jean-Léon Gérôme margolari frantsesak 1852an egin zuen olioa mihise gainekoa da. Gaur egun Massey museoan, Tarbesen, ikus daiteke. Gérômeren neogreziar estiloko bigarren adierazpena da. Margolari frantsesaren ezagunetariko bat da. Bost urte lehenago egina zuen Gazte greziarrak oilar borroka bat ikusten lan honekin zuzenean lotzen dena.

Gaia

Théophile Gautier idazleak margolanean jasotako irudia Dafne eta Kloerekin lotu zuen. Margolanak artistarentzat oso maiteak ziren gaiak irudikatzen ditu: biluziak, animaliak eta pintura historikoa. Gérômek bi nerabe biluzik aurkezten ditu iturri baten kontra jarrita, orein eme bat bizkarrez neskarengana itzultzen den bitartean. Iturriko horma-hobi batean, Kupido bat dago. Begetazio handiak (Alocasia macrorrhizos bereziki) iturria inguratzen du. Iturria eta begetazioa Gérômek beste lan batean berreskuratuko du: Retour de la chasse. Circassien à l’abreuvoir. Mutilak sexua lore-sorta batekin ezkutatzen du; neska, aldiz, erabat biluzik ikusten dugu.

Historia

Taula 1853ko Saloian aurkeztu zen, baina jendeak ez zuen ongi hartu. Hamazazpi urte behar izan zituen Achille Fouldi ia 5.000 liberatan saltzeko. Honek berehala eman zion Tarbesko museoari. Taula ere 1900. urteko Erakusketa Unibertsalean aurkeztu zen.

Ezaugarriak

Mihiseak 212 zentimetroko altuera eta 156 zentimetroko zabalera ditu. Egilearen sinadura eskuinean dago, horman, iturriaren mailan, letra gorriz.

Kanpo estekak

• Datuak: Q19861910
• Multimedia: Daphnis and Chloe by Jean-Léon Gérôme (872.1.1) / Q19861910