Esbjerg

Esbjerg; Esbjerg
	hiria
	Esbjergeko udaletxea Irudi gehiago
Administrazioa
Herrialdea	Danimarka
Eskualdea	Hegoaldeko Danimarkako eskualdea
Alkatea	Johnny Søtrup
Izen ofiziala	Esbjerg
Jatorrizko izena	Esbjerg
Posta kodea	6700
Geografia
Koordenatuak	55°28′15″N 8°27′05″E / 55.4708°N 8.4514°E
Azalera	15 km²
Altuera	17 m
Demografia
Biztanleria	115.459 (2022ko urtarrilaren 1a); 43.061 (2018)
Metropolia	114.244
Informazio gehigarria
Sorrera	1868
Ordu eremua	UTC+01:00 eta UTC+02:00
Hiri senidetuak	Stavanger, Szczecin, Suzhou, Jyväskylä, Eskilstuna udalerria, Maniitsoq (en) eta Tórshavn
	http://www.esbjerg.dk/

Esbjerg Hegoaldeko Danimarkako eskualdean kokaturik dagoen herria da, eskualdeko bigarren handiena eta Danimarkako seigarrena. Jutlandia penintsularen hego-mendebaldeko itsas portu garrantzitsuena da.

Udalerria

Udalerriari izena ematen dion hiria Esbjerg da, udalerriko herri handiena baita. Hala ere aipatu behar da 2007ko erreforma administratiboan hiru udalerri batu zirela, Esbjerg bera, Ribe eta Bramming. Aipatzekoa da Ribe dela Danimarkako hiri zaharrena.

Historia

Danimarkak Schleswig eremua kontrolatzeko bi gerra galdu zituen Prusiarekin eta 1864. urteko Gastein Biltzarrean erabaki bezala hegoaldeko lurrak alemaniarrek eskuratu zituzten, tartean mendebaldeko itsas-portu garrantzitsuena zen Altona ere bai. Berehala sortu zuten Esbjerg, 1868. urtean, Ipar Itsasoan berriro kai handi bat edukitzeko asmoarekin. Inguru egokia iritzi zioten Fanø irlak babesten baitu hiria.

1874. urterako jadanik bazuen trenbidea inguruko hiri daniarrekin komunikatzeko. Gaur egun bertatik ateratzen dira ferryak Ingalaterrara eta Faroe irletara.

Ondasun nabarmenak

Gizakiak itsasoan (danieraz Mennesket ved Havet): giza itxurako estatua erraldoiak dira. Arrantza eta Itsas museoaren parean daude. 1995. urtean ipini zituzten Svend Wiig Hansen eskultorearen obra hauek eta Esbjergeko turismoaren parte dira.
Uraren dorrea.

Ekonomia eta garraioa

Danimarkako bigarren kairik handiena du Esbjergek. Arrantzak garrantzi handia du baina Danimarkak Ipar Itsasoan duen petrolioa kudeatzeko ezinbesteko kaia ere bada. Ferry zerbitzu ugari daude, Danimarkako beste kaiekin lotzen dutenez gain Faroetara eta Islandiara doazenak ere ateratzen dira bertatik.

Honetaz gain trena eta aireportua ere baditu Esbjergek.