Don DeLillo

Don DeLillo
	; Irudi gehiago
Bizitza
Jaiotzako izen-deiturak	Donald Richard DeLillo
Jaiotza	Bronx, 1936ko azaroaren 20a (87 urte)
Herrialdea	Ameriketako Estatu Batuak
Bizilekua	New York; Atenas
Hezkuntza
Heziketa	Fordham Unibertsitatea ; Cardinal Hayes High School (en)
Hizkuntzak	ingelesa
Jarduerak
Jarduerak	antzerkigilea, gidoilaria, eleberrigilea, saiakeragilea eta kazetaria
Lan nabarmenak	ikusi White Noise (en) ; Libra (en) ; Mao II (en) ; Underworld (en) ; Cosmopolis (en) ;
Jasotako sariak	ikusi John Simon Guggenheim Memorial Foundation beka ; National Book Award (1985) ; American Book Awards (1998) ; National Book Award for Fiction (1985) ; Jerusalem saria (1999) ; Library of Congress Prize for American Fiction (2013) ; William Dean Howells Medal of the American Academy of Arts and Letters (2000) ; Carl Sandburg Literary Award (2012) ; PEN/Faulkner Award for Fiction (1992) ;
Influentziak	Henry James, Malcolm Lowry, Vladimir Nabokov, William Faulkner eta J. G. Ballard
Kidetza	Ameriketako Estatu Batuetako Arte eta Letren Akademia; Arteen eta Zientzien Ameriketako Estatu Batuetako Akademia; PEN America (en)
Izengoitia(k)	Cleo Birdwell

Don DeLillo (New York, 1936ko azaroaren 20a) estatubatuar eleberrigilea da.

Bizitza

Fordhameko Unibertsitatean egin zituen ikasketak. Idazle gisa, Americana (1971) liburuarekin egin zuen debuta. Bidaia bitxi baten kontakizuna da, eta agerian uzten du John Dos Passos eta Jack Kerouac idazleen eragin sakona. Gainera, bere obra osoan aztertu zuen gai nagusia ere agertzen da lan horretan: gizabanakoen psikologia sarri gaixoaren mundu bitxiaren azterketa, alegia. Hurrengo eleberrian, End Zone (1972), amerikar futbol-joko basatiaren eta jokalariek erabiltzen duten hizkera barrokoaren arteko aldeak erakutsi zituen. Hirugarren eleberrian, Great Jone Street (1973), aurrekoaren teknika bera baliatu zuen rock-kantari baten enpresa-alorreko asmoak eta haren zorigaiztoko karreraren errealitate gordina aurrez aurre jartzeko. White Noise (1985) eleberrian, berriz, ingurumenaren hondamendiak familia batean eragindako ondorioak aztertu zituen. DeLillo ospe handiko idazlea da Estatu Batuetan, oso ezaguna, era askotako gaiak erabiltzeagatik, batetik, eta oso idazkera atsegina izateagatik, bestetik. Beste zenbait eleberri aipagarri: Mao II (1991), Underworld (1997), Libra (1988) —Lee Harvey Oswalden erretratua—, The Body Artist (2001), Cosmopolis (2003), Falling Man (2007) Point Omega (2010), Zero K (2016) eta The Silence (2020). Bestalde, ipuin laburrak, saiakerak eta antzezlanak ere idatzi ditu.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q310048
Multimedia: Don DeLillo / Q310048