Beartzun

Beartzun
Euskal Herria
Kokapena
Herrialdea	Nafarroa
Udalerria	Baztan
Geografia
Koordenatuak	43°07′16″N 1°28′10″W
Demografia
Biztanleria	50 (2020)

Beartzun Elizondoko (Baztan) ekialdean dagoen baserri-auzoa da. Ingurune menditsuan kokatua, iparraldean ez du urruti Auza (1.305 m), Baztango tontorrik nabarmenena.

Beartzungo errekako urak Bidasoa ibaira doaz.

Mugakideak

Ipar-mendebaldean herrikidea den Berro eta harantzago norabide berean herriburua den Elizondo, hegoaldean Aldude (Nafarroa Beherea), ekialdean Banka eta Aldude (NB) eta mendebaldean Irurita (Baztan) mugakide ditu.

Koartela

Auzo honetan karabineroen edo mugazainen kaserna egon zen, gaur egun hondakinak baino ez daude zutik. Hiru solairuko eraikina zen. Martxan zegoenean, 18 goardia bizi ziren, eta aduanaren arduradunak ziren. Tenientea ere egon zen, baina ez zen bertan bizi. Karabineroez gain, bi goardia sekretuak ibiltzen ziren, uniformerik gabe: Sarasola eta Bordaxuri deiturikoak.

Beartzundar ezagunak

• Joxepi Miura, Urruxka etxekoa eta bailarako kultur dinamizatzailea.

Kanpo-estekak

• (Gaztelaniaz)Baztango udal webgunea

• Datuak: Q12254887

Artikulu hau Nafarroako geografiari buruzko zirriborroa da. Wikipedia lagun dezakezu edukia osatuz.

Euskarazko Wikipedian bada atari bat, gai hau duena: Euskal Wikiatlasa