Andorra Futbol Kluba

Andorra Futbol Kluba
Datuak
Izen ofiziala	Futbol Club Andorra
Mota	futbol-kluba
Herrialdea	Andorra
Izengoitia	Els Tricolors
Liga	Primera Catalana (en)
Estadioa	Estadi Nacional (en) : Andorra la Vella 42.5°N 1.52°E / 42.5; 1.52  3.306
Agintea
Lehendakaria	Q68237629
Entrenatzailea	Ferran Costa Pinazo (en)
Egoitza nagusi	Andorra la Vella
Jabea	Gerard Piqué, Higini Cierco Noguer eta ezezaguna
Historia
Sorrera	1942ko urriaren 15a
Etxekoa 　 Kanpokoa
webgune ofiziala

Andorra Futbol Kluba (katalanez: Futbol Club Andorra) Andorra herrialdeko futbol-talde bat da, Encamp herrikoa. 1942. urtean sortua, Espainiako liga sisteman jokatzen du, Kataluniako multzoetan. 2019an Reus Deportiuk bigarren B mailan utzitako lekua erosi zuen eta 2022an Bigarren Mailara igotzea lortu zuen.

Historia

Andorra Futbol Kluba herrialdeko futbol talderik zaharrena da. 1942ko urriaren 15ean sortu zen. Hasieratik Espainiako Futbol Errege Federazioko kide da, sortu zenean Andorrak futbol federaziorik ez zuelako. Hori dela eta, taldeak Espainiako Federazioaren eta Asoziazio Futbolaren Nazioarteko Federazioaren baimena du Espainiako futbol liga eta Espainiako futbol Errege Kopan aritzeko.

1980 denboraldian 2.B mailara igotzea lortu zuen eta bertan egon zen 1998 artean, denboraldi batean izan ezik. Ondoren, bi urtetan Kataluniako erregional mailaraino jaitsi eta 2004-05 denboraldian mailarik beherenean aritu zen.

2018an Gerard Piquéren Kosmos enpresak taldea erosi eta 2019an Club de Futbol Reus Deportiu taldeak 2.B mailan utzitako tokia erosi zuen. Beraz Kataluniako erregional mailatik zuzenean igo zen 2.B mailara.

2020-2021. denboraldian, 2. mailara igotzeko igoera fasea jokatu zuen, baina 2-1 galdu zuen Real Sociedad B taldearen aurka. 2021-2022. denboraldian 1. RFEF kategorian jokatu zuen eta II. multzoko txapelduna izan zen. Finala irabaztea lortu ez bazuen ere 2. mailara igotzea lortu zuen klubaren historian aurreneko aldiz.

Bigarren mailan denboraldi oso ona egin zuen eta zazpigarren sailkatu zen. Bigarren denboraldia ordea eskasa izan zen eta azken aurreko postuan amaitu zuenez maila galdu zuen.

Uniformea

2017-19

2019-20

2020-22

2023-24

Datuak

2024-25 denboraldia barne.

• Denboraldiak Lehenengo Mailan: 0
• Denboraldiak Bigarren Mailan: 2
• Denboraldiak Bigarren B Mailan: 19
• 1. maila RFEF: 2
• 2. maila RFEF: 0
• Denboraldiak Hirugarren Mailan: 6
• Emaitzarik onena: 7.a (2. mailan, 2022-23 denboraldian)

Azken denboraldiak

Denboraldia	#	Maila	Emaitza	Errege Kopa
2010-11	7	Lurraldeko 1. maila	2.a (igo)
2011-12	6	Kataluniako 2. maila	2.a (igo)
2012-13	5	Kataluniako 1. maila	8.a
2013-14	5	Kataluniako 1. maila	16. (jeitsi)
2014-15	6	Kataluniako 2. maila	1.a (igo)
2015-16	5	Kataluniako 1. maila	8.a
2016-17	5	Kataluniako 1. maila	3.a
2017-18	5	Kataluniako 1. maila	9.a
2018-19	5	Kataluniako 1. maila	1.a
2019-20	3	2. B Maila	9.a (III. taldean)	1. itzulia
2020-21	3	2. B Maila	3. (III. taldean)	1. itzulia
2021-22	3	1. maila RFEF	1.a (II. multzoan)	2. itzulia
2022-23	2	Bigarren maila	7.a	2. itzulia
2023-24	2	Bigarren maila	21.a	1. itzulia

Kanpo estekak

• Datuak: Q1386854
• Multimedia: FC Andorra / Q1386854