1963ko Eurovision Abesti Lehiaketa

1963ko Eurovision Abesti Lehiaketa
Finala	Martxoaren 23, 1963
Egoitza	BBC Television Centre, Londres
Aurkezlea(k)	Katie Boyle
Antolatzailea	British Broadcasting Corporation (BBC)
Partaide kopurua	16
Irabazlea	"Dansevise"; Grethe & Jørgen Ingmann; Danimarka
← Luxenburgo 1962	Kopenhague 1964 →

1963ko Eurovision Abesti Lehiaketa urtero ospatzen den Eurovision Abesti Lehiaketaren zortzigarren edizioa izan zen. Londresko BBC Television Centre estudioetan ospatu zen, Erresuma Batuan, martxoaren 23an. Aurreko urtean Frantziak irabazi zuen, eta Frantziari zegokion antolaketa, baina gastuagaitik uko egin ostean, BBCk hartu zuen lana. Aurkezlea Katie Boyle izan zen, aurretik ere Londresen ospatu zen 1960ko edizioan bezalaxe.

Garailea Danimarkako Grethe & Jørgen Ingmann duoa izan zen, "Dansevise" kantuarekin. Danimarkaren lehen garaipena izan zen. Lehiaketa abeslari bakarlari batek irabazi ez zuen lehen aldia izan zen.

Hamasei herrialdek hartu zuten parte, aurreko bi edizioetako berdinak.

Lehiaketa

Ordena	Herrialdea	Hizkuntza	Artista	Abestia	Euskarara itzulpena	Postua	Puntuak
01	Erresuma Batua	Ingelesa	Ronnie Carroll	"Say Wonderful Things"	Gauza zoragarriak esan	4	28
02	Herbehereak	Nederlandera	Annie Palmen	"Een speeldoos"	Musika-kaxa bat	13	0
03	Alemania	Alemana	Heidi Brühl	"Marcel"	—	9	5
04	Austria	Alemana, Ingelesa	Carmela Corren	"Vielleicht geschieht ein Wunder"	Agian mirari bat gertatuko da	7	16
05	Norvegia	Norvegiera	Anita Thallaug	"Solhverv"	Solstizioa	13	0
06	Italia	Italiera	Emilio Pericoli	"Uno per tutte"	Bat denontzat	3	37
07	Finlandia	Finlandiera	Laila Halme	"Muistojeni laulu"	Nire oroitzapenetako kanta	13	0
08	Danimarka	Daniera	Grethe & Jørgen Ingmann	"Dansevise"	Dantzatzeko kanta	1	42
09	Jugoslavia	Kroaziera	Vice Vukov	"Brodovi"	Ontziak	11	3
10	Suitza	Frantsesa	Esther Ofarim	"T'en va pas"	Ez zaitez joan	2	40
11	Frantzia	Frantsesa	Alain Barrière	"Elle était si jolie"	Hain ederra zen	5	25
12	Espainia	Gaztelania	José Guardiola	"Algo prodigioso"	Mirarizko zerbait	12	2
13	Suedia	Suediera	Monica Zetterlund	"En gång i Stockholm"	Behin batean Stockholmen	13	0
14	Belgika	Nederlandera	Jacques Raymond	"Waarom?"	Zergatik?	10	4
15	Monako	Frantsesa	Françoise Hardy	"L'amour s'en va"	Maitasuna joan egiten da	5	25
16	Luxenburgo	Frantsesa	Nana Mouskouri	"À force de prier"	Otoitz eta otoitz	8	13

Gertakariak

Norvegiar epaimahaiaren botazioa

Botazioa prozesuan, Suitza eta Danimarkak laister hartu zuten aurrea, eta Norvegiako epaimahaiak botoak emateko txanda heldu zenean, arazoak agertu ziren. Norvegiar kontulariak ez omen zituen oraindik epaimahaikide guztien botoak zuzen gehitu, eta Norvegiar botoak ez zeuden argi. Norvegiar bozeramaileak botoak beranduago eman ahal izatea eskatu zion Katie Boyle aurkezleari. Botazio prozesuaren amaieran, Suitzak Danimarkak baino bi puntu gehiago zeuzkan, baina Norvegiar botoak irakurri ostean, Danimarka bi puntu aurre jarri zen. Lehiaketa eta gero, auzoko herrialde bat, Danimarka, mesede egitea leporatu zuten Norvegiar epaimahaia, eta Suitzak protesta egin zuen emaitzei buruz. Norvegiar irrati-telebista erakunde publikoak (NRK) protesta errefusatu eta emaitza zuzenak irakurri zirela defendatu zuen.