Likud

Likud
Datuak
Izen ofiziala	הליכוד – תנועה לאומית ליברלית
Mota	alderdi politikoa eta Parlamentu-taldea
Herrialdea	Israel
Ideologia	kontserbatismoa, national liberalism (en) , Eskuindar populismoa eta sionismo errebisionista
Kokapen politikoa	eskuin politiko
Jarduera
Kidetza	International Democracy Union (en) eta European Conservatives and Reformists Party (en)
Kide kopurua	125.000 (2012)
Eskumendekoak	Likud Leumi (en)
	Knesset 32 / 120Knesset 30 / 120Knesset 41 / 120Knesset 40 / 120Knesset 32 / 120Knesset 22 / 120Knesset 19 / 120Knesset 38 / 120Knesset 12 / 120Knesset 27 / 120Knesset 18 / 120Knesset 35 / 120Knesset 32 / 120Knesset 36 / 120Knesset 30 / 120
Agintea
Lehendakaria	Benjamin Netanyahu
Egoitza nagusi	המלך ג'ורג' 38; Metzudat Ze'ev;
Gazteria	Likud Youth (en)
Historia
Sorrera	1973ko irailaren 13a
Aurrekoak	Gahal (en) eta Free Centre (en)
Koloreak
	webgune ofiziala;

Likud^[1] (hebreeraz: הליכוד‎‎, halikud, literalki egonkortzea edo batasuna) Israelgo eskuindar alderdia da, 1973an sortua. Bere erroak Zeev Jabotinskik sorturiko Betar mugimendu nazionalistatik datoz. Mugimendu hau Mapai talde sozialistaren aurkari nagusia zen.

1973an Zentro Askea alderdi liberalak, La'am eta Gahal alderdiek sortu zuten hauteskundeetarako. Geroago eskumako Herut alderdiarekin batu zen Israelgo eskuma osatuz. Israelgo alderdi kontserbadorerik garrantzitsuena da.

Likudi batasuna ematen dion oinarrizko ideia da Israelgo estatuaren parte izan behar dutela ezinbestean 1967ko Sei Eguneko Gerran Israelek beretu zituen lurraldeak: Sinai, Gaza, Mendebaldeko itsasertza eta Golango gainak.

Historia

Likud 1973ko urrian sortu zen, lau alderdi kontserbadore batuta: Gahal, Zentro Askea, Estatuko Alderdia eta Eretz Yisrael mugimendua. Menachem Begin izan zen alderdiko lehen buruzagia. 1973ko abenduan, Knesset edo Legebiltzarrerako hauteskundeetan, botoen % 30,2 eta 39 aulki eskuratu zituen. 1977ko maiatzeko Legebiltzarrerako hauteskundeetan, berriz, botoen % 33,4 eta 43 aulki. Gobernua eratu zuen, alderdi erlijiosoekin bat eginda, eta Menachem Begin Lehen Ministro izendatu zuten.

1981eko uztaileko hauteskundeetan Legebiltzarreko 41 aulki eskuratu zituen. 1983ko abuztuan Beginek dimisioa eman zuen, bai alderdiko buruzagi gisa bai Lehen Ministro gisa. Itzhak Shamirrek hartu zuen haren lekua. 1984ko hauteskundeetan Legebiltzarreko 41 aulki eskuratu zituen, eta Alderdi Laboralistarekin batera koalizio gobernua eratu zuen.

1988ko hauteskundeetan 39 aulki eskuratu zituen, eta laboristekiko koalizioari eutsi zion. 1990eko martxoan, baina, koalizioa hautsi egin zen, eta Likudek gobernu berria eratu zuen alderdi erlijiosoen laguntzarekin.

1992ko ekainean inoizko emaitzarik kaskarrenak izan zituen, eta 32 aulki besterik ez zituen eskuratu. Benjamin Netanyahu izendatu zuten alderdiko buruzagi. 1996ko maiatzean, Lehen Ministroa zuzenean hautatzeko lehen hauteskundeetan, Netanyahuk botoen % 50,4 eskuratu zituen eta Shimon Peresek % 49,5.

2015eko urtarrilaren 1ean, Benjamin Netanyahu Israelgo lehen ministroa garaile atera zen Likud alderdi eskuindarreko hauteskunde primarioan, eta horrenbestez, bera izango zen alderdiko hautagaia martxoko hauteskunde orokorretan^[2].

Kide ospetsuak

Azken aldikoak:

Historikoak:

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

↑ EIMA: Eskola-liburuetako onomastikaren, gertaera historikoen eta artelanen izenak. Zerrendak
↑ «Aurrerantzean ere Netanyahu izango da Likudeko buru», Berria, 2015-01-02

Kanpo estekak

Likuden webgune ofiziala (Hebreeraz)

Datuak: Q187009
Multimedia: Likud / Q187009

[1] EIMA: Eskola-liburuetako onomastikaren, gertaera historikoen eta artelanen izenak. Zerrendak

[2] «Aurrerantzean ere Netanyahu izango da Likudeko buru», Berria, 2015-01-02

[1]

[2]