Silicon Graphics, mallongigo sgi, estis usonasoftvara kaj komputika firmao, produktante komputilan aparataron kaj programaron. Fondite en Mountain View, Kalifornio en novembro 1981 fare de Jim Clark, ĝia komenca merkato estis komputilaj laborstacioj por tridimensiaj grafikaĵoj, sed ĝiaj produktoj, strategioj kaj merkatopozicioj evoluis signife dum la tempo, ĝis ĝi estis malfondita en aprilo 2009. Ĉefsidejo de la firmao ekde decembro 2006 ĝis aprilo 2009 estis en Sunnyvale (Kalifornio). La urbo Sunnyvale estas parto de la tiel nomata Silicia Valo, kaj la firmao Silicon Graphics dum sia ekzistotempo do ankaŭ estis parto de ĝi.
