Nora Moerbeek-Bartels
| Nora Moerbeek-Bartels | |
|---|---|
| Persona informo | |
| Naskiĝo | 21-an de aŭgusto 1930 |
| Morto | 17-an de marto 1998 (67-jaraĝa) |
| Lingvoj | Esperanto • nederlanda |
| Ŝtataneco | Reĝlando de Nederlando 
|
| Familio | |
| Edz(in)o | Rob Moerbeek
|
| Okupo | |
| Okupo | esperantisto
|
Nora MOERBEEK-BARTELS (naskiĝis en 1930, mortis la 17-an de marto 1998 en Beverwijk) estis nederlanda esperantisto. Ŝi estis dumviva membro de UEA, delegito pri blindulaj aferoj kaj Esperanto-instruado, kaj mecenato de ĉinaj esperantistoj.
Esperanta vivo
[redakti | redakti fonton]Tre aktiva en la blindula medio esperantista, Moerbeek-Bartels en la 1970-aj jaroj estis sekretario de NOSOBE, la nederlanda societo de esperantistaj vidhandikapitoj, kasisto (1983-1989) kaj sekretario (1992-1998) de Ligo Internacia de Blindaj Esperantistoj, redaktoro de ties revuo Esperanta Ligilo. Ŝi prezidis Tutmondan Asocion de Esperantistaj Nefumantoj.
Tradukoj
[redakti | redakti fonton]Moerbeek-Bartels el la nederlanda en Esperanto tradukis la popularajn Anne Frank ne estis de hieraŭ (1988) kaj Taglibro de Anne Frank (1997) kaj, el Esperanto en la nederlandan, la romanon Sur Kampo Granita de Istvan Nemere (Op een Veld van Graniet, 1997).
Honorigoj
[redakti | redakti fonton]- Moerbeek-Bartels estis honora membro de Asocio de Esperantistaj Handikapuloj.
- En 1996 Moerbeek-Bartels ricevis la kvinan gradon de la ordeno Oranje-Nassau pro sia Esperanto-agado.