Mortágua
|
Por samtitola artikolo vidu la paĝon Mortágua (stacidomo). |
| Mortágua | |||
|---|---|---|---|
 | |||
| urbo de Portugalo (1192 (Gregoria)–) municipo de Portugalio  vd
| |||
|
|
| ||
| Flago | Blazono | ||
| Administrado | |||
| Poŝtkodo | 3450 | ||
| En TTT | Oficiala retejo [+] | ||
| Demografio | |||
| Loĝantaro | 9 607 (2011) [+] | ||
| Loĝdenso | 38 loĝ./km² | ||
| Geografio | |||
| Geografia situo | 40° 23′ N, 8° 13′ U (mapo)40.383333333333-8.2166666666667Koordinatoj: 40° 23′ N, 8° 13′ U (mapo) [+] | ||
| Areo | 251,18 km² (25 118 ha) [+] | ||
| Horzono | UTC±00:00 [+] | ||
| |||
|
| |||
| Alia projekto | |||
 Vikimedia Komunejo Mortágua [+]
| |||
Mortágua estas urbo de Portugalio, situanta en la Distrikto Viseu, Centra regiono kaj la subregiono Região de Coimbra. Ĝi havas 2 793 loĝantojn (2021).
Ĝi estas sidejo de la municipo Mortágua, kiu havas totalan areon de 251,18 km², kaj 9 607 loĝantojn (2011), subdividita en sep fregezioj. La municipa teritorio limas norde kun Águeda, nordoriente kun Tondela, oriente kun Santa Comba Dão, sude kun Penacova kaj okcidente kun Mealhada kaj Anadia.
Historio
[redakti | redakti fonton]
Mortágua estis konkerita el islamanoj inter 1058 kaj 1064, kiuj estis respektive, la jaroj de la konkeroj de Viseu kaj de Koimbro. Post la fondo de la Reĝlando Portugalio (en 1143), ekis administracia organizado, per kreado de municipoj. Mortágua ricevis sian unuan foruon en 1192, el la reĝino Dulce de Aragono, edzino de la reĝo Sanĉo la 1-a, kiun konfirmis en 1514 Manuelo la 1-a. La teritorio de la tiam municipo Mortágua ne havis la aktualan teritorion, sed nur la sidejon de la municipo kaj kelkajn apudajn loĝlokojn. La cetera teritorio restis dividita inter teroj apartenataj al la reĝo (reguengos), al pastroj (coutos) kaj al nobeloj (honras), kio restis ĝis la reformoj de la administracio en la 19a jarcento.
En 1810, estrita de la Generalo André Masséna, la tria franca invado trairis la aktualan teritorion de la municipo Mortágua, okazigante rabadon kaj incendiojn, fare de francaj soldatoj, kiuj tie tranoktis kaj preparis la batalon de Buçaco, en kiu ili estis venkitaj de la brit-portugalaj trupoj. Iom poste oni nuligis kelkajn municipojn kaj Mortágua ekhavis sian aktualan teritorion, inklude la fregezion Almaça. En la dua duono de la 19-a jarcento, la municipo Mortágua ege disvolviĝis ĉefe pro la instalado de nombraj industrioj kaj novaj komunikvojoj, kiel la ŝoseo inter Mealhada kaj Viseu (1854), kaj fervojo inter Figueira da Foz kaj la landlimo kun Hispanio de Vilar Formoso (1882).
En la 20-a jarcento, oni inaŭguris en la 1980-aj jaroj la Baraĵon de Aguieira, kiu helpis la turisman disvolvigon kaj en la 1990-aj jaroj, la industrio de la municipo Mortágua suferis gravan krizon pro la fermo kaj translokigo de kelkaj fabrikoj.
En la unua duono de la 20-a jarcento la loĝantaro estis stabila kaj atingis eĉ 13 000 loĝantojn en 1960, sed poste malpliiĝis pro elmigrado ĝis nunaj 9 000 loĝantoj.
Submunicipoj
[redakti | redakti fonton]Mortágua havas la jenajn fregeziojn:
- Cercosa
- Espinho
- Marmeleira
- Mortágua, Vale de Remígio, Cortegaça e Almaça
- Pala
- Sobral
- Trezói
Vidindaĵoj
[redakti | redakti fonton]En pluraj loĝlokoj estas interesaj preĝejoj kaj kapeloj, kun gravaj pentraĵoj kaj valoraj liturgiaj juveloj; krome estas ankaŭ nobelaj domegoj ĉefe el la 18a jarcento.
- Pilorio de Mortágua
- Busto de Tomás da Fonseca
- Preĝejo de São Mamede (Vale de Remígio)
- Preĝejo kaj kapeloj de Cortegaça kaj de Almaça
- Akvofalo Água das Paredes (Pala)
Bildoj
[redakti | redakti fonton]-
Baraĵo de Aguieira
Vidu ankaŭ
[redakti | redakti fonton]Eksteraj ligiloj
[redakti | redakti fonton]
- En tiu ĉi artikolo estas uzita traduko de teksto el la artikolo Mortágua en la portugala Vikipedio.