Februaro de 2020
| februaro | ||||||
| lu | ma | me | ĵa | ve | sa | di |
| 1 | 2 | 3 | 4 | |||
| 5 | 6 | 7 | 8 | 9 | 10 | 11 |
| 12 | 13 | 14 | 15 | 16 | 17 | 18 |
| 19 | 20 | 21 | 22 | 23 | 24 | 25 |
| 26 | 27 | 28 | 29 | |||
| aranĝo de 2024 tagoj | ||||||
Jen listo de okazaĵoj en februaro 2020:
La Filipinoj raportis pri la mortokazo pro la ĉina koronviruso — la unua ekster Ĉinio. Samtempe la ĉinaj aŭtoritatoj raportis pri eksplodo de la birda gripo H5N1 en la provinco Hunano, ĉe la suda limo de provinco Hubejo.
Pli detale ĉe Vikinovaĵoj.
Ĉe aparta pintkunveno de la Ligo de Arabaj Ŝtatoj en Kairo la prezidanto de la Palestina aŭtonomio Maĥmud Abbas, akre kritikinte la pacplanon prezentitan de Israelo kaj Usono, anoncis ke li rompos ĉiujn rilatojn kun ĉi-lastaj, inkluzive de tiuj rilatantaj al sekureco.
La registaro de Somalio deklaris tutlandan krizostaton pro infestado de lokustoj disvastiĝantaj tra Orienta Afriko.
La registaro de Ĉinio eldonis ordonon, laŭ kiu ĉiu suspektita havi koronoviruson aŭ proksime kontakti infektitojn devas esti metita en kvaranteno sendepende de lia deziro. Nombro de konfirmitaj infektiĝoj atingis 17 388 kaj 362 homoj mortis.
En Tjumeno (Rusio) alteriĝis du milittransportaj aviadiloj Iljuŝin Il-86, alportintaj 144 evakuitojn el Uhano.
En suda parto de Kazaĥio ekflamis amasaj tumultoj dum kiuj pereis almenaŭ 10 homoj. En tiuj vilaĝoj loĝas ĉefe dunganoj.
En la urbo Nakhonratĉasima (Tajlando), soldato koleriĝinta pro financa disputo, pafis sian komandestron kaj poste hazarde renkontitajn surstrate homojn, postlasinte 29 mortintojn kaj preskaŭ 60 vunditojn.
Okazis mortiga batalo inter turkaj kaj siriaj militfortoj en la nordorienta siria gubernio Idlibo.
En la apostola admono «Kara Amazonio» de papo Francisko konfirmis ke la eklezio ne akceptis la proponon permesi la pastrigon de edziĝintaj viroj, nek la diakoninigon de virinoj en Amazonio por batali kontraŭ grava manko de pastroj en tiu regiono.
La siria prezidanto Baŝar al-Asad en televida parolado diris ke la urbo Alepo revenos al la registara kontrolo malgraŭ iu ajn rezisto de iuj ajn flankoj.
Dekstr-ekstremisma atenco kaŭzis 9 mortintojn en Hanau, Germanio.
En Ukrainio loĝantoj de lokoj, kie oni planis aranĝi kvarantenon por la evakuitoj el Uhano (Ĉinio), trafita de la epidemio de COVID-19, amase protestis, bruligis pneŭojn, baris la vojojn, batalis kontraŭ polico kaj ŝtonumis busojn kun la evakuitoj.
Kameruno celebris la Internacian Tagon de la Gepatra Lingvo per la lanĉo de programo pri savado de endanĝerigitaj lingvoj de la lando.
La unua el la du reaktoroj de la atomcentralo de Fessenheim en la franca regiono Alzaco ĉesis funkcii.
La registaro de Sud-Koreio altigis sanitaran alarmon pro la epidemio de COVID-19 ĝis ekstrema nivelo — unuafoje post la epidemio de porka gripo antaŭ 11 jaroj.
Mortis Hosni Mubarak, la eksa prezidanto de Egiptio.
Italio raportis pri 299 infektiĝoj kaj 7 mortoj, kaŭzitaj de la nova koronoviruso. Tiu statistiko metas Italion je la unua loko en Eŭropo kaj la kvara en la mondo laŭ disvastiĝo de COVID-19 — tuj post Ĉinio, Japanio kaj Sud-Koreio.
La aŭtoritatoj de Irano informis pri 139 infektitoj kaj 19 mortintoj pro la nova koronviruso.
- La koronviruso COVID-19 rapide disvastiĝis tra ĉiuj kontinentoj kaj nombro de novaj infektiĝoj ekster Ĉinio jam superas tiun en Ĉinio. Sume estas trafitaj jam 49 landoj.
| ||||||||||||||||||||||