Columbia (Marilando)

Columbia
planurbo urbeto censa loko urbego vd
Devizo: The Next America
Administrado
Ĝemelurboj Liyang (en) (2018–) Haitia Kabo (2016–) Tema (2014–) Tres Cantos (1990–) Cergy-Pontoise (1977–) vd
Poŝtkodo	21044–21046 • 21044
Demografio
Loĝantaro	104 681  (2020) [+]
Loĝdenso	1 256 loĝ./km²
Geografio
Geografia situo	39° 13′ N, 76° 51′ U (mapo)39.2156213-76.8582049 [+]
Alto	124 m [+]
Areo	83,358314 km² ( 833 5.8 314 ha) [+]
Horzono	orienta horzono de Nordameriko (UTC-5) [+]
Columbia (Marilando) DEC Situo de Columbia
Columbia (Usono) DEC Situo de Columbia
Alia projekto
Vikimedia Komunejo Columbia, Maryland [+]

Columbia (IFA: /kəˈlʌmbiə/, proksimume ko-LOM-bia) estas censo-nomita loko en Gubernio Howard, Marilando, Usono, kaj estas unu el la ĉefaj komunumoj de la urba regiono Baltimoro–Vaŝingtono. Ĝi estas laŭplana komunumo kiu konsistas el 10 vilaĝoj.

Historio

Columbia komenciĝis kun la ideo ke urbo povas plibonigi la vivkvaliton de la loĝantaro. Kreinto James W. Rouse taksis la novan komunumon laŭ homaj valoroj, ne nur ekonomio kaj inĝenierado. Malfermite je 1967, la celo de Columbia estis elimini ne nur la ĝenojn de la tiamaj desegnoj, sed ankaŭ elimini rasan, religian, kaj klasan apartigojn. Columbia konsekvence rangis en la 10 Plej Bonaj Lokoj por Loĝi taksitaj de CNN Money. Je 2020, Columbia rangiĝis la 5a plej bona loko por loĝi en Usono.

Columbia konsistas nur el la tereno regita de la Asocio de Columbia, sed pli granda tereno inkluziviĝas en ties nomo laŭ la Usona Poŝta Servo kaj la Censa Buroo. Ĉi tiuj inkluzivas plurajn aliajn komunumojn kiuj ekzistis antaŭ Columbia, inkluzive Simpsonville, Atholton, kaj pri la censo, parto de Clarksville. La censa loko havis loĝantaron de 99 615 je la Usona Censo de 2010. Ĝi estas la dua plej loĝata komunumo en Marilando post Baltimoro. En 2015, la Usona Enketo de Komunumoj de la Usona Censa Buroo taksis la loĝantaron proksimume je 103 467.

Fondis Columbia-n James W. Rouse (1914-1996), de la urbo Easton en Marilando. Je la 1930-aj jaroj Rouse kunfondis en Baltimoro bankan firmaon kun la nomo Moss-Rouse Company. Je la 1950-aj jaroj la firmao, kies nomo estis fariĝinta James W. Rouse kaj Co., sin etendis al butikcentrojn. Je 1957 Rouse kreis Community Research and Development, Inc. (CRD) por konstrui, posedi, kaj direkti butikcentrojn en Usono, kaj tio publikiĝis je 1961. Je 1966, la nomo ŝanĝiĝis al The Rouse Company.

Je la fruaj 1960-aj jaroj, Rouse decidis konstrui novan modelan urbon. Ties ideoj informiĝis el kelkaj fontoj, inkluzive ties kristanaj kredoj kaj la celo akiri profiton, influoj kiujn Rouse konsideris kontraŭaj.

Geografio

Klimato

Columbia havas humidan subtropikan klimaton, kun malvarmaj vintroj kaj varmaj, humidaj someroj.

Loĝantaro

NOTO: La CDP inkluzivas areojn kiuj ne apartenas al la laŭplana komunumo.

Je julio 2019, la loĝantaro de Columbia konsistas el 47,3% ne-hispanidaj blankuloj.

Censo de 2010

Loĝantaro de Columbia laŭ raso (2010)
Raso	Loĝantaro	%
Entute	99 615	100
Blankuloj	55 322	55
Nigruloj	25 231	25
Aziaj	11 390	11
Hispanidaj	7884	7
Pluraj rasoj	4424	4
Aliaj	2811	2
Tri rasoj aŭ pli	465	< 1%
Indiĝenaj	393	< 1%

La censo de 2009-2013 raportas la medianan enspezon de familio en la CDP estis US$99 877. Popersona enspezo en la CDP estis US$46 374. Proksimume 4,1% el familioj kaj 6,6% el la loĝantaro estas konsiderataj malriĉaj, inkluzive 8,8% el tiuj malpli ol 18-jarhavaj kaj 6,4% el tiuj pli ol 65-jarhavaj.

Frataj urboj

• Cergy-Pontoise, Francio (1977)
• Tres Cantos, Hispanio (1990)
• Tema, Ganao (2013)
• Cap-Haïtien, Haitio (2016)
• Liyang, Ĉinio (2018)

Rilataj urboj

The Rouse Company, nun posedata de la Howard Hughes Company, posedas kaj direktas multajn laŭplanaj komunumoj HUD Title VII-New Town aparte de Columbia. Ĉi tiuj inkluzivas The Woodlands (Teksaso), Bridgeland Community (Teksaso), kaj Summerlin (Nevado).