La distrikto Wittmund (germane Landkreis Wittmund) situas en la federacia lando Malsupra Saksio, en la nordokcidento de Germanio. Administra centro estas la samnoma urbo Wittmund.
La distrikto estas parto de la historia regiono Orienta Frislando. Ĝi havas areon de 656 km², kaj fine de decembro 2022 ĝi havis 58 359 loĝantojn.
La distrikto Wittmund norde limas al la Norda Maro. Al ĝia teritorio apartenas la Orientfrisaj insuloj Langeoog kaj Spiekeroog. Granda parto de la kontinenta parto de la teritorio estas la historia pejzaĝo Harlingerland.
