Cabal
|
C'l artìcul chè 'l è scrit in
Miranduléś |
 Nightbreed
| ||
| Cabal | ||
 Cronenberg e Craig Sheffer in na figùra dal film | ||
| Cungréga 1990 | ||
|---|---|---|
| Regìa: Clive Barker | ||
| Scritōr: Clive Barker | ||
| Atōr: Craig Sheffer • Charles Haid • Doug Bradley David Cronenberg • Hugh Quarshie • Anne Bobby | ||
| Müsica: Danny Elfman | ||
| Léngua: Ingléś | ||
| Dürä dal film: 102 minüt | ||
| Nasiōṅ: Stat Unî | ||
Cabal (Cungréga) 'l è 'n film ad scarésa americàṅ dal 1990 ad Clive Barker trat da 'n sò racònt umònim. In dla part dal catìṿ dal film, al dutōr masadōr seriàł, a gh'è 'l sò amìg regìsta David Cronenberg.
Custàda ùndas migliòṅ ad dòlar, la pelìcula la 'n à pò purtâ a cà dagnóra nóṿ.
Sunt
Aaron Boone (Craig Sheffer) 'l è 'n ragàs turmintâ parchè ad nòt al gh'à di arbgàt spavintóś in dua al s insùnia di móstar ch'i vìv'n in na sità dimóndi stràna, „Midian“. Tgnénd adrē a i cunsìli dla sò muróśa, la Lori Desinger (Anne Bobby), al decìd ad far-as curàr da 'l dutōr Philip K. Decker (David Cronenberg) ch'l è anc 'n psicanalìsta e 'n masadōr seriàł sénsa cōr. Chi lò al gh fà crédar 'd èsar lò 'l sasèṅ ch'l à fat fóra dimóndi famìji dal pòst, pò al gh dà d'l LSD da tōr faghénd-ag crédar ch'a fus dal lithium.
Al śōvan, insiminî da cla dròga lè e sóta gl'efèt dal delìri, al vèṅ mis sóta da 'n càmion e acsè al finìs a 'l uśdàł ma pò al s in và par pascàr la „Midian“ di sò insùni. Al riva acsè a 'n campsànt bandunâ in dua al vèṅ murśgâ a la spala da 'n móstar ch'l al fà dvintàr òṅ ad lōr. Aaron al próa a scapàr via ma 'l cata Decker cun la pulisìa sèg. Al mèdag al gh fà sparàr cupànd-al.
Dòp èsar stâ purtâ cadàv'r a 'l ubitòri, Aaron al tórn' in vita e al decìd 'd andàr a „Midian“.