Bahia

Artìcol in dialët piaṡintëin

Stèma dal Stä dal Bahia

Pusisiòn geugrafica Stä dal Bahia

La spiägia ad Itapuã

Bahia (in Portoghês: Estado da Bahia) l'è voin d'i 26 Stä Federäi dal Brasil, e la sò capitäla all'è Salvador Bahia e in dal 2016 al g'hava 15.276.566 abitänt e 'na süparfìs ad 564.733,177 km2.

Al fa part ad'la Regiòun Nordeste.

Storia

Al partüghès Pedro Álvares Cabral all'è rüä in dal 1500]] indùa gh'è Santa Cruz Cabrália (a süd ad Bahia); infàti la tradisiòn la dìs cà Bahia all'è stä la premma capitäla dal Brasil. Dal mâg 1624 a l'aprìl 1625 l'è stä ucüpä dai Ulandès.

In d'i sècui 16° e 17°, Bahia l'è stä un cëintar impurtänt par la cultivasiòn d'la càna da sücar; ell'è anca tèra indùa gh'è a bòta cacào e tantìsim mineräi.

In dal secul 18° gh'è, pürtròpp stä un gran tràfic d'i sciäu nègar; infàti, incö, la cuncentrasiòn püsä forta d'i Brasigliän ad culù all'è pròpi a Bahia.

Incö Bahia, all'è un impurtänt cëintar türistic cugnusìd in tütt al mònd.

Parsunägg famùs

A Bahia a i'enn nasìd tantìsim müsicista, tàme: Carlinhos Brown, Dorival Caymmi, Gal Costa, João Gilberto, Gilberto Gil, Daniela Mercury, Ivete Sangalo, Caetano Veloso e sò suräla Maria Bethânia.

All'è anca la tèra d'i grüpp müsicäi Ara Ketu, Ilê Aiyê e Olodum.

Ätar futugrafii

• 
  Panurama dla Chapada Diamantina.
• 
  La spiägia Jardim de Alah, a Salvador.
• 
  La cèsa dal Pelourinho, a Salvador.

Ligàm ad föra

• Guèrn dal Stä dal Bahia
• Bahiatursa