Salma Ismail
Yang Berbahagia Tan Sri Dato' Dr. Salma Ismail PSM; DPMK, BCK (Kedah) | |
|---|---|
| Kinosusuon | Momuhau 19, 1918 |
| Tadauwulan minidu pogun | Madas 20, 2014 (umul 95) |
| Pinamalabangan | Tanah Perkuburan Islam Jalan Ampang, Kuala Lumpur |
| Momogun | Malaysia |
| Sinikulan | Kolej Perubatan King Edward VII, Singapura |
| Kalaja | Doktor |
| Toun mimparagat | 1946–2005 |
| Ointutunan montok | Doktor Melayu mantad koonduan di koiso id Malaysia |
| Sawo | Datuk Dr. Abu Bakar Ibrahim |
Tan Sri Dato' Dr. Salma binti Ismail (19 Momuhau 1918 – 20 Madas 2014) nopo nga songulun tondu Melayu i kumoiso nogi do oboyo sumiliu do dokutul id pointongkop Tanah Melayu/Malaya. Nokosuang o kinalantayon disido id suat abal The Straits Times ontok 24 Momuhau 1947.[1] Nokotorimo nogi isido Anugerah Tokoh Melayu Wanita Terbilang kopihondot do koporomitan tadau kinouliton UMNO ko-68 ontok 11 Mikat 2014.[2]
Pondidikan
[simbanai | simbanai toud]Nosusu i Dr. Salma Ismailontok 19 Momuhau 1918 id Alor Star, Kedah. Suminikul isido id Kampung Bahru Girls' School / Sekolah Menengah Sultanah Asma , Alor Star.Nakalantoi isido do Junior Cambridge (1934) om Senior Cambridge (1935). Isido nogi nga calon tanak sikul tondu Melayu kumoiso om iso-iso id Kedah i nakalantoi id panaasan Senior Cambridge miampai abantug. Minongoput isido sikul id King Edward VII College of Medicine hilo Singapura (1936) miampai Biasiswa Kerajaan Negeri Kedah.Nokotingkod o pinsingilaan disido ontok 1939-1945 gama Sangod Pomogunan Koduo.Soira minongoput kawagu sikul ontok 1946, noonuan isido gaa Ijazah Doktor Perubatan ontok toun 1947.
Pakarajaan
[simbanai | simbanai toud]Soira nakalantoi id jurusan pongusapan, nosiliu isido doktor minluda id Hospital Besar Kuala Lumpur ; Pegawai Perubatan id Kedah (1950-1960) ; Pegawai Perubatan id Selangor (1961-1967) ; minongukab klinik sondii id Jalan Hale Kampung Baru, Kuala Lumpur (1967).
Nokohompit nogi isido miampai serius id suang pongindopuan soira nosiliu Ponorikohon Salma-Bakar Sdn. Bhd om Pengarah Specialist Mediklinik Sdn. Bhd.
Ababayan sosial
[simbanai | simbanai toud]Nopili isido sumiliu Ponorikohon Kelab General Hospital Kedah ; Pesuruhjaya Pandu Puteri Negeri Kedah ; Puru Persatuan St. John Negeri Kedah ; Puru Majlis Pelajaran Tinggi ; Ponorikohon Persatuan Doktor-Doktor Swasta Selangor (1976) ; Puru Malaysian Medical Association ; Puru Medical Defence Union ; Puru College of General Practitioners ; Puru Private Practitioners Association Wilayah Kuala Lumpur om Selangor om Ponorikohon Selangor om Wilayah Gardening Society.
Pingat om gaa'
[simbanai | simbanai toud]Nonuan isido do Bintang Cemerlang Kedah (B.C.K.) mantad Kerajaan Negeri Kedah (1957) ; Dato' Paduka Mahkota Kedah (D.P.M.K.) (1996) ; Panglima Setia Mahkota (P.S.M.) (1997) i minogowit pamalahawan Tan Sri.[3]
Peribadi
[simbanai | simbanai toud]Sawo nopo disido nga i Allahyarham Datuk Dr Abu Bakar bin Ibrahim, bagas Pengarah, Institut Penyelidikan Perubatan (IMR) (1918-1979). Kiwaa 4 tulun tanak diolo: Tan Sri Dr Ridzwan Abu Bakar, En Ezani, Dr Normi om Allahyarhamah Rosina. Minidu pogun i Allahyarhamah Rosina id suang Tragedi Highland Towers.
Minidu Pogun
[simbanai | simbanai toud]Minidu pogun i Dr. Salma Ismail gama toruol kinolohingo id Hospital Pantai, Bangsar ontok 20 Madas 2014. Umul nopo disido nga 96 toun.
Sukuon
[simbanai | simbanai toud]Noputan labus
[simbanai | simbanai toud]- Research on the Early Malay Doctors 1900-1957 Malaya and Singapore, By Faridah Abdul Rashid
- Biography of the Early Malay Doctors 1900-1957 Malaya and Singapore, By Faridah Abdul Rashid
- The Malays par excellence-- warts and all: an introspection, Ismail Noor, Muhammad Azaham, Pelanduk Publications, Dec 31, 2000 - History - 166 pages
- She: a tribute to the women of Malaysia, Malaysia. Kementerian Pembangunan Wanita dan Keluarga, Ministry of Women, Family and Community Development, 2005 - Women in development - 191 pages