Helena Kaut-Howson

Helena Kaut-Howson
Ganwyd	1940 Gwlad Pwyl
Dinasyddiaeth	Gwlad Pwyl
Galwedigaeth	Cyfarwyddwr Theatr ac Opera
Cysylltir gyda	Theatr Clwyd

Cyfarwyddwr theatr ac opera byd-enwog o Wlad Pwyl yw Helena Kaut-Howson (ganed 1940), a fu'n Gyfarwyddwr Artistig ar Theatr Clwyd yn Yr Wyddgrug ar gychwyn y 1990au.

Un o'i chynyrchiadau mwyaf cofiadwy yng Nghlwyd oedd ei haddasiad llwyfan o nofel Caradog Prichard, Un Nos Ola Leuad ym 1995, o dan y teitl Full Moon.

Bu Kaut-Howson yn Theatr Clwyd rhwng 1991 a 1995, ac fe godwyd statws y Theatr i dir uchel iawn yn sgîl ei chynyrchiadau anturus a llwyddianus. Llwyddodd i ddenu actorion byd enwog i gydweithio â hi gan gynnwys Syr Anthony Hopkins, Julie Christie, Kathryn Hunter, Timothy West, Janet Suzman, Maria Aitkeen ac eraill. Enillodd glod am ei gweledigaeth a gwobrau lu am ei chynyrchiadau, gyda sawl un yn teithio i lwyfannau Llundain.

Ymddiswyddodd ym 1995 yn sgil ad-drefnu llywodraeth leol, ac fe barodd ei hymadawiad gryn anhapusrwydd ym Myd y Theatr yng Nghymru. Terry Hands oedd ei holynydd yn Theatr Clwyd rhwng 1997 a 2015.

Enillodd Wobr Theatr Peter Brook Open Space Award ym 1994 am ei gwaith yn Theatr Clwyd.

Cynyrchiadau nodedig yn Theatr Clwyd

• The Devils (1991) John Whiting, Theatr Clwyd
• A Doll's House (1992) Henrik Ibsen / Ingmar Bergman, Theatr Clwyd a thaith yng Nghymru
• Full Moon (1993-1995) Caradog Pritchard / John Owen / Helena Kaut-Howson, Theatr y Young Vic a thaith ryngwladol (KPP). Cast: Betsan Llwyd, Simon Gregor, Gareth Potter, Glyn Pritchard, Cler Stephens, Jon Strictland, Russell Armstrong, Owain Bevan, Matthew Bunting, Kevin Griffiths, Paul Jones a Glyn Owen.
• Macbeth (1994) William Shakespeare, Theatr Clwyd
• The Rose Tattoo (1995) Tennessee Williams, Theatr Clwyd