kloued

Brezhoneg

Etimologiezh

Kavet en henvrezhoneg (cluit).

Meneget er C'hatolikon (cloet).

Da geñveriañ gant ar gerioù clwyd en kembraeg, cloes en kerneveureg, *clēta en galianeg.

Anv-kadarn

kloued /ˈkluːet/ pe /ˈklweːt/ benel (liester klouedoù, klouidi)

1. Kenstrollad pezhioù, e prenn pe vetal, hag a stank ouzh an tremen.
   • ''‘C'hanta ?" eme ar soudard en ur serriñ war e lerc'h ar gloued a oa war ar c'hraou. — (Anatol ar Braz, lakaet e brezhoneg gant Erwan ar Moal, Mojenn an Ankou, Mouladurioù Hor Yezh, 1986, p. 96.)
   • Digor ar gloued. — (Jules Gros, Le trésor du breton parlé Deuxième Partie, 1970, p. 262.)
   • Bizhier ar gloued-mañ a zo arru fall. — (Jules Gros, Le trésor du breton parlé Deuxième Partie, 1970, p. 262.)
   • N'ac'h eus nemet mont war-eeun betek ar gloued dirazout, etre an daou gae. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 100.)
   • Ur mevel a zigoras kloued ar prad. — (Jakez Riou, Geotenn ar Werc'hez ha danevelloù all, Al Liamm, 1957, p. 40.)
2. → Termenadur da glokaat (Ouzhpennañ) .

Doareoù-skrivañ all

En doare-skrivañ etrerannyezhel e vez skrivet klwed.

Deveradoù

• klouedañ
• klouedaj
• klouedell
• klouedellat

• klouedenn
• klouedenniñ
• klouederezh

Gerioù kevrennek

• kad-kloued
• kloued-draf
• kloued-karr

Troioù-lavar

• chom e fri war ar gloued
• menel e fri war ar gloued

Krennlavarioù

• Gwasañ pec'hed a zo er bed eo selled etrezeg toull ar gloued pa vez arru koulz ar pred. — (Jules Gros, Le trésor du breton parlé Troisième Partie, 1974, p. 303.)

Troidigezhioù

• galleg : claie ^(fr) (de herse, de ridelle) ; barrière ^(fr)  ; défense ^(fr)
• kembraeg : clwyd ^(cy)

• saozneg : hurdle ^(en) , gate ^(en)