Шып (рыба)

Шып
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Клада:  Рыбы Надклас:  Касцявыя рыбы Клас:  Прамянёвапёрыя рыбы Падклас:  Храстковыя ганоіды Атрад:  Асетрападобныя Падатрад:  Acipenseroidei Сямейства:  Асятровыя Падсямейства:  Асятровыя Род:  Асятры Від:  Шып
Міжнародная навуковая назва
Acipenser nudiventris Lovetzky, 1828
Ахоўны статус
Віды на грані знікнення IUCN 3.1 Critically Endangered : / 225
Сістэматыка на Віківідах Выявы на Вікісховішчы ITIS   161077 NCBI   61967 EOL   46561168

Шып (Acipenser nudiventris) — рыба роду асятры сямейства асятровыя. Пашырана ў басейнах Каспійскага і Аральскага мораў, радзей Чорнага і Азоўскага.

Апісанне

Паштовая марка Узбекістана

Даўжыня больш за 2 м, вага да 50—60 (больш за 40—70) кг. Цела доўгае, верацёнападобнае. Рот у выглядзе папярочнай шчыліны. Ніжняя губа (у адрозненне ад іншых асятровых) не перарваная. Верхняя частка цела шэрая, часам амаль чорная. Бруха белае. Касцяныя пласцінкі (жучкі) на спіне прадаўгаватыя, з вострымі канцамі. Жывуць да 30 гадоў. Кормяцца малюскамі і іншымі воднымі беспазваночнымі і дробнай рыбай.

Прахадныя рыбы. Нерастуюць у рэках на ўчастках з хуткім цячэннем і цвёрдым галечным або пясчаным дном. Перыяд нерасту з канца красавіка да канца мая пры тэмпературы 10—15 °С. Самцы дасягаюць палавой спеласці ва ўзросце 6—9 гадоў, самкі ў 12—14 пры даўжыні 110 см. Пладавітасць складае ад 250 тыс. да 1 млн 290 тыс. ікрынак.

Утварае гібрыды з бялугай, сяўругай і рускім асятром.

Літаратура

• Беларуская энцыклапедыя: У 18 т. Т. 18. Кн. 1.: Дадатак: Шчытнікі — ЯЯ / Рэдкал.: Г. П. Пашкоў і інш.. — Мн.: БелЭн, 2004. — Т. 18. — С. 16—17. — 472 с. — 10 000 экз. — ISBN 985-11-0295-4 (Т. 18. Кн. 1.).

Спасылкі

• Шип (Acipenser nudiventris) // Наша-Природа.рф (руск.)
• Шип (аральская популяция) // Красная книга Казахстана (руск.)
• Шип (Acipenser Nudiventris) // Экология. Всё об экологии (руск.)
• Шип Acipenser nudiventris Lovetsky, 1828 // Красная книга Украины (руск.)
• На Вікісховішчы ёсць медыяфайлы па тэме Шып (рыба)