Ян Цігараў
| Ян Цігараў | ||
| ||
| Пэрсанальная інфармацыя | ||
|---|---|---|
| Нарадзіўся | 10 сакавіка 1984[1][2] (40 гадоў) | |
| Рост | 180 см | |
| Вага | 73 кг | |
| Пазыцыя | паўабаронца | |
| Клюбы | ||
| Гады | Клюб | Гульні (галы)¹ |
| 2002—2006 | Дынама Менск | 117 (0) |
| 2006—2010 | Мэталюрг Запарожжа | 111 (1) |
| 2011 | Том Томск | 12 (0) |
| 2012—2015 | Лякаматыў Масква | 33 (0) |
| 2015—2016 | Дынама Менск | 3 (0) |
| Зборныя | ||
| 2002 | Беларусь (да 19)[d] | 3 (0) |
| 2004—2006 | Беларусь (да 21) | 16 (0) |
| 2005—2014 | Беларусь | 35 (1) |
Ян Ці́гараў (нарадзіўся 10 сакавіка 1984 году, Усурыйск, СССР) — беларускі футбаліст, апорны паўабаронца. У 2005—2014 гадах згуляў за нацыянальную зборную Беларусі 35 матчаў і забіў 1 гол.
Кар’ера
[рэдагаваць | рэдагаваць крыніцу]«Дынама»
[рэдагаваць | рэдагаваць крыніцу]Цігараў пачаў займацца футболам у ДЮСШ гораду Жодзіна[3]. У 2001 годзе выступаў за менскае «Дынама-2». За асноўную каманду «Дынама» гуляў з 2002 па 2007 гады. За гэты час выйграў зь менскім клюбам залатыя мэдалі чэмпіянату Беларусі, а таксама стаў уладальнікам Кубка краіны.
«Мэталюрг» Запарожжа
[рэдагаваць | рэдагаваць крыніцу]У 2007 годзе перайшоў у запароскі «Мэталюрг», за які згуляў больш за 100 матчаў. Адзіны гол за клюб забіў 2 жніўня 2009 году ў браму «Ільлічоўцу». У пачатку 2011 году ў СМІ зьявілася інфармацыя аб цікавасьці да футбалісту маскоўскага «Дынама»[4] і нямецкага «Гановэру»[5].
«Том»
[рэдагаваць | рэдагаваць крыніцу]2 сакавіка 2011 году футбольны клюб «Том» дасягнуў прынцыповай дамоўленасьці аб пераходзе футбаліста, і на наступны дзень Цігараў падпісаў кантракт з томскім клюбам тэрмінам на 2,5 году[6]. Сума трансфэру склала 300 тысячаў эўра. Дэбют футбаліста ў чэмпіянаце Расеі адбыўся 14 сакавіка 2011 году, калі «Том» на выезьдзе саступіла ніжагародзкай «Волзе» зь лікам 0:2[7]. На старце чэмпіянату Расеі 2011—2012 гадоў стаў найлепшым футбалістам лігі па колькасьці выйграных адзінаборстваў і ўдалых адбораў мяча[8], аднак у матчы 12 туру з маскоўскім «Лякаматывам» атрымаў сур’ёзную траўму: абсьледаваньне выявіла разрыў унутранага мэніска, пярэдняй крыжападобнай і бакавой зьвязак правай каленнай суставы. Такім чынам, футбаліст выбыў са строю як мінімум на паўгоду[9].
«Лякаматыў»
[рэдагаваць | рэдагаваць крыніцу]29 сьнежня 2011 году на правах вольнага агента заключыў кантракт з маскоўскім «Лякаматывам» тэрмінам на 3,5 году.
«Дынама» (Менск)
[рэдагаваць | рэдагаваць крыніцу]У ліпені 2015 году перайшоў у менскае «Дынама»[10]. У чэрвені 2016 году кантракт зь менскім «Дынама» быў скасаваны[11], пасьля чаго завяршыў кар’еру[12].
Міжнародная кар’ера
[рэдагаваць | рэдагаваць крыніцу]З 2004 па 2006 гады правёў 10 матчаў за моладзевую зборную Беларусі. У галоўнай зборнай краіны дэбютаваў 12 лістапада 2005 году ў таварыскім матчы супраць зборнай Латвіі.
Дасягненьні
[рэдагаваць | рэдагаваць крыніцу]«Дынама» Менск:
- Чэмпіён Беларусі: 2004
- Срэбраны прызэр чэмпіянату Беларусі: 2005, 2006
- Бронзавы прызэр чэмпіянату Беларусі: 2003
- Уладальнік Кубка Беларусі: 2003
«Лякаматыў»:
- Уладальнік Кубка Расеі: 2015
Статыстыка
[рэдагаваць | рэдагаваць крыніцу]| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Дынама Менск | 2015 | Найвышэйшая ліга | 2 | 0 |
| 2016 | Найвышэйшая ліга | 1 | 0 | |
Крыніцы
[рэдагаваць | рэдагаваць крыніцу]- ^ а б в Yan Tsiharaw // FBref.com (мн.)
- ^ а б в YAN TIGOREV // Argentine Soccer Database (гішп.)
- ^ Ян Тигорев переходит в «Томь». Афіцыйны сайт ФК «Том»
- ^ Московское «Динамо» проявляет интерес к Тигореву. championat.ru
- ^ Белорус Тигорев может продолжить карьеру в «Ганновере-96». championat.ru
- ^ Пополнение в «Томи». tom.ru
- ^ Тигорев и Сосновский дебютировали в российской премьер-лиге. Goals.by
- ^ Чемпионат России-2011/2012: лучшие по голам, передачам, обводкам, отборам и сэйвам после десятого тура. sports.ru
- ^ Ян Тигорев выбыл из строя на длительный срок. pressball.by
- ^ Ян Тигорев стал игроком минского «Динамо» (рас.)
- ^ Ян Тигорев покинул минское «Динамо» (рас.)
- ^ Тигорев завершил карьеру (рас.)
Вонкавыя спасылкі
[рэдагаваць | рэдагаваць крыніцу]- Профіль на сайце «Лякаматыва»
- Профіль на афіцыйным сайце «Томі»
- Профіль на сайце sports.ru
- Статыстыка на сайце National Football Teams