Levitikus

Des Buach Levitikus (hebr.: וַיִקְרָא, Wajiqra, gr.: Λευιτικόν, Levitikon, lat.: Leviticus), im deitschn Sprochraum oft oafoch des 3. Buach Mose gnennt, is des dritte Buach im jüdischn Tanach und in der christlichn Bibel (Oids Testament).

Im Hebräischn wird des Buach noch seinen easchtn Wortn „Wajiqra“ („Und er hot gruafa“) benonnt. Im Griachischn hoaßt es „Levitikon“ (lat. „Leviticus“), weil des Hauptthema vom gonzn Buach de Vorschriftn für de Templdiena ausm Stomm Levi san.