Kabhi Khushi Kabhie Gham
| Kabhi Kushi Kabhi Gham | |
|---|---|
| Sutradara | Karan Johar |
| Produser | Yash Johar |
| Screenplay olih | Karan Johar Sheena Parikh |
| Cerita olih | Karan Johar |
| Bintang Pilem | Amitabh Bachchan Jaya Bachchan Shahrukh Khan Hrithik Roshan Kajol Kareena Kapoor |
| Musik olih | Jatin Lalit Sandesh Shandilya Aadesh Shrivastava |
| Sinematografi | Kiran Deohans |
| Uahin olih | Sanjay Sankla |
| Kadistribusi olih | Yash Raj Films |
Tanggal rilis | 14 Désémber 2001 |
Lantang galah | 210 menit |
| Negara | India |
| Basa | Hindi |
Kabhi Khushi Kabhie Gham utawi K3G inggih punika pilem drama kaluwarga India mabasa Hindi sané kasurat miwah kasutradarain olih Karan Johar miwah kaproduksi olih Yash Johar. Pilem puniki karilis tanggal 14 Désémber 2001, kapraginain olih Shah Rukh Khan miwah Kajol dados pragina utama, Amitabh Bachchan, Jaya Bachchan, Hrithik Roshan, miwah Kareena Kapoor dados pragina pendukung, Rani Mukherjee dados pragina istimewa[1].
| Wastan Aktor | Pinaka |
|---|---|
| Amitabh Bachchan | Yashvardhan Raichand |
| Shah Rukh Khan | Rahul Raichand |
| Hrithik Roshan | Rohan Raichand |
| Farida Jalal | Sayeeda, pengempu Rahul Raichand miwah Rohan Raichand |
| Rani Mukherjee | Naina Kapoor |
| Johnny Lever | Haldiram |
| Himani Shivpuri | kurenan Haldiram |
| Sushma Seth | Naani |
| Jaya Bachchan | Nandini Raichand |
| Kajol | Anjali Sharma |
| Kareena Kapoor | Pooja Sharma |
| Jibraan Khan | Krishi Raichand |
| Alok Nath | Bauji |
| Achala Sachdev | Daadi |
| Aryan Khan | Rahul Raichand (dugas alit) |
| Jugal Hansraj | Timpal Rohan Raichand |
Yashvardhan “Yash” Raichand (Amitabh Bachchan) inggih punika pebisnis miliarder sané nyeneng di Delhi sareng kurenane madan Nandini (Jaya Bachchan) miwah kalih okane, Rahul (Shah Rukh Khan) tur Rohan (Hrithik Roshan). Yash banget ngukuhin tradisi tur patriarkis. Rahul punika okan paling kelih sané kaadopsi olih Yash miwah Nandini uli embas. Sami kaluwarga sampun uning sajabaning Rohan. Kacarita Rahul sampun truna mewali ke umahne wusan masekolah di luar negeri miwah kasmaran sareng Anjali Sharma (Kajol). Nanging, tresnane punika tan karestuin krana Anjali wantah anak lacur. Yash nyambatan kenehne apang Rahuk nganten ajak Naina (Rani Mukerjee), anak luh sugih ane suba matimpal ajak Rahul uli cenik. Yash tusing matakon kenehne Rahul krana Yash merasa yéning ane nentuang jodo panak tuah rerama. Rahul nyambatang kenehne kasmaran tekén anak luh lacur madan Anjali, ningeh ortane ento, Yash gedég tur ngorain apang Rahul tusing nganten ajak Anjali krana beda kelas. Rahul lantas majanji tusing lakar nganten ajak Anjali krana tusing nyak nyakitin kenehne Yash. Dinane Rahul lakar ngoraang ajak Anjali, Rahul nepukin di umahne Anjali sedek ada anak mati, tuing lian wantah bapane Anjali miwah adik luh ne Pooja (Kareena Kapoor). Nadaksara Rahul langsung makita nganten ajak Anjali apang ada ane ngrunguang Anjali miwah adikne, yadiastun lakar mamusuh ajak Yash, Bapane. Sasubane Rahul nganten ajak Anjali, Rahul ngajak Anjali mulih ka umahne. Yash banget gedég tur ngingetang Rahul yéning ia tuah panak baan adopsi. Rahul miwah Anjali katundung tur ngalain Nandini ane ngeling sigsigan kalain panak ane banget kasayangang. Dasa warsa sampun kaliwatin, Rohan sané dumun kasakolahang ka asrama sampun budal tur nawang indik Rahul sané magedi uli umahne tur statusne Rahul tuah panak adopsi. Nepukin unduke keto, Rohan masumpah lakar mesikang kaluwargane cara ane pidan.
- ↑ "Sinopsis Kabhi Khushi Kabhie Gham di ANTV: Misi Menyatukan Keluarga". tirto.id (ring Indonesia). Kaaksés 2021-05-17.