Songkok
Nakadirekta digdi an "Peci". Para sa ibang gamit, hilingon an Peci (klaripikasyon).
Lider na indones na si Sukarno asin an lider kan Malayo na si Tunku Abdul Rahman na nagsusulot nin peci/songkok. | |
| Klase | Tradisyonal na kopya |
|---|---|
| Ginikanan na lugar | Brunei, Indonesya, Malaysia, Singapura, Filipinas |
An songkok o peci o kopiah sarong kopya na halawigan na pigsusulot sa Brunei, Indonesia, Malaysia, Singapura, sa habagatan na Filipinas, asin habagatan na Tailandya, pinakakomon sa mga Muslim na lalaki. May korte ini nin pigputol na kono, parating gibo sa itom o burda na felt, gapas o pelus. Isinusulot man ini kan mga lalaki sa mga pormal na okasyon arog kan mga kasalan asin lubong o mga okasyon na maugma arog kan Eid ul-Fitr asin Eid al-Adha. Sa Indonesia, natatakod man an peci sa nasyonalistang hiroon.[1]
Mga pangaran
[baguhon | baguhon an source]Inaapod ining "songkok" sa Sumatra asin sa Rawis nin Malayo.[2] Mantang sa Haba, inaapod ining "kopiah" o "kopeah".[3] Midbid man ini sa Indonesya na "peci", bagaman an peci, igwang mas korte na ellipse asin kung minsan pigdekorasyunan.[2] Baka an pangaran na "peci", hali sa katagang Olandes na petje na an literal na boot sabihon "sadit na kopya", o imbes posibleng gikan sa Turko na fez..[nangangaipo nin toltolan] Minatukdo anngabos nin mga pangaran sa parehas na bagay. Sa Filipinas sa Bangsamoro, midbid an songkok sq kopiah o kupya, asin hinango sa katagang Arabik na kufi o kefiyyeh. Ipigheras kaini an etimolohiyang ini sa Habanes. Ang mga salitang Malay na songkok asin peci, bihirang madangog sa mga Muslim na Pilipino na minatukdo sa kopya na ini na tradisyonal man sa kahabagatan na kabaga kan kaiislahan.
Ginikanan
[baguhon | baguhon an source]
An pinaghalian kan songkok, matutunton sa fez, na pinapusog kan mga Otoman kadtong 1826 asin pagkatapos nagwarak sa Habagatan na Asya asin sa Rawis nin Malayo (inaapod sa ngunyan na Brunei, Indonesya asin Malaysia). Pigsusulot an songkok kadto kadtong Imperyong Otoman asin sa pirang parte kan Aprika. Arog pa man kaito, ini pwede sanang iheras na totoo, nin huli ta an mga kataga mismo pwedeng masususog ning mas amay. Naisurat an Kopiah na piggagamit kan mga piling tropa kan Majapahit (Bhayangkara).[4] Naisurat an Kupiah sa bokabularyo nin Italyano-Malayo ni Pigafetta kadtong 1521.[5]
Sala an sarong bareta sa diyaryo sa Brunei na nagsasabi na an songkok naging sarong panuytuyan sa Rawis nin Malayo kadtong ika-13 siglo sa pag-abot kan Islam sa rehiyon.[2] An pinakainot na nakasurat na pagsambit kan katagang songkok yaon sa Syair Siti Zubaidah (1840).[6] Mantang natatakod an tradisyunal na trayangulo na dekorasyon sa payo kan Malay na Tengkolok o disaster sa mga tradisyonal na maharlika asin royalty kan Malay, sa sarong banda, naging parte an songkok kan tradisyonal na Malay na kasulotan nin mga lalaki na natatakod sa Islam, na tradisyonal na isinusulot kan mga lokal na ulama.
An Rehimen kan Maharlikang Malayo kan Suldados kan Malaysia naggagamit nin songkok bilang parte kan saindang uniporme gikan pa kadtong nasa irarom kan gobyerno nin Britanya.[7]
Galerya
[baguhon | baguhon an source]-
An aktibista nin katalingkasan kan Indonesya kadtong inot na parte kan ika-20 siglo (1930), kabali an Sukarno, parati nagsusulot nin peci, na nagtatao nin sa ngunyan na nasyonalistang nuance kan Indonesya na peci.
-
Mga kalalakihan kan Rejimen Askar Melayu DiRaja na igwang sulot na songkok sa pagtutuod sa bayonet, Singapore Island (1941).
-
Mga lalaking nakasulot nin songkok bilang parte kan tradisyonal na kasulutan kan Baju Melayu kan mga lalaking Malayo
-
mga lalaking Habanes na Muslim na nakasulot nin kopiah asin sarong
-
An presidente kan Indonesya na si Joko Widodo asin mga kaapil kan parlyamento nakasulot nin peci bilang parte kan nasyunal na kasulutan.
-
Si EWP Tambunan, sarong Kristiyano, midbid sa saiyang ugali kan pagsusulot nin pulang songkok.
-
-
Female version of peci with curved back, worn by Indonesian flag raising girls squad (Paskibra)
Hilingon man
[baguhon | baguhon an source]Mga toltolan
[baguhon | baguhon an source]- ↑ Hendri F. Isnaeni (10 September 2010). "Nasionalisme Peci" (in Indonesian). Yahoo Indonesia News. Retrieved 10 September 2010.
- ↑ 2.0 2.1 2.2 Rozan Yunos (23 September 2007). "The origin of the songkok or 'kopiah'". The Brunei Times. Archived from the original on 5 December 2008. Retrieved 13 April 2016. Unknown parameter
|url-status=ignored (help) - ↑ Abdullah Mubarok (21 February 2016). "PDIP: Kopiah Bagian Dari identitas Nasional" (in Indonesian). Inilah.com. Archived from the original on 13 April 2016. Retrieved 13 April 2016. Unknown parameter
|url-status=ignored (help) - ↑ Nugroho, Irawan Djoko (2011). Majapahit Peradaban Maritim. Suluh Nuswantara Bakti. ISBN 9786029346008.
- ↑ Bausani, Alessandro (December 1960). "The First Italian-Malay Vocabulary by Antonio Pigafetta". East and West 11: 229–248.
- ↑ Syair Siti Zubaidah MCP text
- ↑ Journal of the Society for Army Historical Research. Society for Army Historical Research. 1996.
Mga panluwas na takod
[baguhon | baguhon an source] |
An Wikimedia Commons igwa nin medya dapit sa Songkok. |