-ismu

Mira tamién: ismu

Asturianu

Pronunciación

• [ -ˈiz.mu ]

Sufixu

masculín singular -ismu; plural -ismos

1. Sufixu que sirve pa formar, dende un axetivu, un sustantivu o un nome propiu, un sustantivu col significáu d'escuela filosófica, ideoloxía política, doctrina relixosa, manera de vida.

   Kant → kantismu; nacional → nacionalismu; cristianu → cristianismu; desnudu → nudismu

2. Sufixu que sirve pa formar, dende un axetivu o un sustantivu, un sustantivu col significáu de tendencia artística.

   real → realismu; modernu → modernismu; brutal → brutalismu; *dada → dadaísmu

3. Sufixu que sirve pa formar, dende un axetivu o un sustantivu, un sustantivu col significáu de fenómenu llingüísticu, orixe llingüísticu.

   arcaicu → arcaísmu; cultu → cultismu; castellanu → castellanismu; llatín → llatinismu

4. Sufixu que sirve pa formar, dende un axetivu o un sustantivu, un sustantivu col significáu de actitú, cualidá, vezu.

   alcohol → alcoholismu; individual → individualismu; ego → egoísmu; clase → clasismu

5. Sufixu que sirve pa formar una especialidá, práutica o actividá deportiva.

   atleta → atletismu; alpín → alpinismu; motocicleta → motociclismu; submarín → submarinismu

Pallabres rellacionaes

• -ista

Traducciones y equivalencies

«-ismu»: sufixu nominal

Catalán: -isme (ca) Español: -ismo (es) Francés: -isme (fr) Gallegu: -ismo (gl)

Inglés: -ism (en) Portugués: -ismo (pt) Vascu: -ismo (eu)

Referencies

• Gramática de la Llingua Asturiana; Academia de la Llingua Asturiana, 2001, Uviéu, 3ª edición; ISBN: 84-8168-210-8. Consulta PDF on-line.