Duque de Guisa

Duque de Guisa (en francés Duc de Guise) foi un títulu de la nobleza francesa creáu en 1528 que perteneció primeramente a la Casa de Guisa, caña menor de la Casa de Lorena. Dellos duques de Guisa compitieron nel sieglu XVI pol tronu de Francia. A principios del sieglu XVIII la titularidá del ducáu de Guisa pasó a la casa de Borbón-Condé y a mediaos del sieglu XIX, a los d'Orleans qu'acutaron el títulu de duque de Guisa pa usu protocolariu.

Historia

**Claudio de Lorena**, primer duque de Guisa, nuna semeya de Jean Clouet, Palazzo Pitti, Galleria Palatina, Florencia, Italia.

Oríxenes: los condes de Guisa

Los señores feudales de Guisa pasaron en 1417 a tener el títulu de condáu con Renato d'Anjou, el fíu redrueyu del rei de Nápoles Lluis II d'Anjou.

Poco dempués, el títulu foi reclamáu ente 1425-1444 pola Casa de Luxemburgu sofitada pol rexente Juan de Láncaster, Duque de Bedford, pero finalmente quedaría reteníu en Francia al ser vencíu, de manera amistosa, a los d'Anjou y los sos descendientes.

En 1520 el títulu ye incorporáu por Claudio de Lorena a la fundada Casa de Guisa en cuantes que caña cadete de la Casa de Lorena. El condáu algamó en 1528 la distinción de ducáu en gracies a los servicios emprestaos al monarca Francisco I de Francia.

Disputa pol tronu

Francisco I de Lorena, **2º duque de Guisa**.

Semeya d'Enrique I de Guisa, **3ᵉʳ duque de Guisa**. Muséu Carnavalet, París.

Nel sieglu XVI, el 2º y 3º de los duques de Guisa Francisco I y el so fíu Enrique I fueron protagonistes de les Guerres de relixón de Francia liderando'l partíu católicu de la Lliga Católica y compitiendo cola Casa de Borbón pola llexitimidá al tronu de Francia. En 1594 el 4º duque de Guisa terminó per declarar la fidelidá de los duques al rei Enrique IV. Darréu cayeríen en desgracia mientres la dómina del Cardenal Richelieu y en 1675 escastóse la llinia masculina direuta.

Integración na Casa d'Orleans

Al términu de la llinia masculina de la Casa de Guisa, el títulu pasaría por alianza matrimonial a los de Borbón-Condé en 1704 y nel sieglu XIX a la Casa d'Orleans. A partir d'entós el títulu de duque de Guisa emplégase como títulu de cortesía pa los sos miembros.

Llista de los Duques titulares de Guisa (1528-1675)

Claudio de Lorena, I Duque de Guisa (1496–1550; s. 1528)
Francisco de Guisa, II Duque de Guisa (1520–1563; s. 1550)
Enrique I, III Duque de Guisa (1550–1588; s. 1563)
Carlos, IV Duque de Guisa (1571–1640; s. 1588); tamién duque de Joyeuse.
Enrique II de Lorena, V Duque de Guisa (1614–1664; s. 1640)
Luis José, VI Duque de Guisa (1650–1671; s. 1664)
Francisco José, VII Duque de Guisa (1670–1675 s. 1671)
María, VIII Duquesa de Guisa (1615–1688) asocede por ser tida güela en 1675.

Ver tamién

Referencies

Enllaces esternos

Wikimedia Commons tien conteníu multimedia tocante a Duque de Guisa.