Boletus satanas
Boletus satanas | ||
|---|---|---|
 | ||
| Clasificación científica | ||
| Reinu: | Fungi | |
| División: | Basidiomycota | |
| Clas: | Agaricomycetes | |
| Orde: | Boletales | |
| Familia: | Boletaceae | |
| Xéneru: | Boletus | |
| Especie: |
B. satanas Lenz | |
| Sinonimia | ||
| ||
| Consultes | ||
| [editar datos en Wikidata] | ||
| Boletus satanas Carauterístiques micolóxiques  | ||
|---|---|---|
 | ||
 | ||
 | ||
 | ||
 | ||
 | ||
 | ||
| [editar datos en Wikidata] |
Boletus satanas, o boletu de Satanás,[2] ye un fungu basidiomicetu de la familia Boletaceae,[1] qu'habita en montes de caducifolios de les rexones templaes d'Europa y América del Norte, preferentemente en suelos caliares. El cuerpu granible apruz de branu a seronda. Ye un fungu venenosu en crudu, provocando trestornos gastrointestinales, ente que cocíu ye indixestu. L'epítetu específicu "satanas" significa "satánicu". Son especies bien próximes el B. torosus, el B. splendidus y el B. rhodopurpureus que tampoco tienen valor como comestible, resultando indixestos o llixeramente tóxicos.[2]
Morfoloxía
[editar | editar la fonte]La cogorda del Boletus satanas tien un sombreru que puede llegar a midir hasta 25 ó 30 cm de diámetru, bien gruesu y compactu, con una cutícula que va del blancu abuxáu al verde oliváceo bien pálidu. La so forma pasa de ser cuasi esférica colos márxenes endolcaos y de testura llixeramente aterciopelada, a abrir y tomar una forma convexa y testura llisa nel maduror. Los poros na zona inferior del sombreru son d'un color amarellentáu nes fases tempranes, pasando dempués al anaranxáu, tomando finalmente un tonu coloráu. El pie del cuerpu granible mide ente 5 y 12 cm de llongura por ente 4 y 10 cm d'anchu, ye curtiu y tien un aspeutu gordosu. En fases tempranes, el pie ye amarellentáu na parte cimera, colloráu na parte central y pardu acoloratáu na base. En fases más madures toma color acoloratáu na so totalidá y enllórdiase d'azul al tactu, principalmente na parte inferior. La so carne ye compacta y blanca o amarellentada. Al cortala toma un tonu abuxáu y dempués azuláu. El so golor ye desagradable y el so sabor duce. El so esporada ye de color verde oliváceo.[2]
Posibilidaes de tracamundiu
[editar | editar la fonte]Ye posible confundilo con especies cercanes como B. rhodoxantus o con exemplares xuveniles de B. calopus. Nenguna d'estos dos especies ye comestible.[2]
Referencies
[editar | editar la fonte]- ↑ 1,0 1,1 «Boletus satanas» (n'inglés), Catalogue of Life (2010 Annual Checklist), Sistema Integráu d'Información Taxonómica (ITIS), http://www.catalogueoflife.org/annual-checklist/2010/browse/tree/id/5948657
- ↑ 2,0 2,1 2,2 2,3 Grünert, H.; Grünert, R. (1984). Guíes de Naturaleza Blume: Cogordes (t. orixinal:"Pilze"). Barcelona: Blume, páx. 208. ISBN 84-87535-11-9.
Enllaces esternos
[editar | editar la fonte]Wikimedia Commons acueye conteníu multimedia sobre Boletus satanas.
 |
Wikispecies tien un artículu sobre Boletus satanas. |
| Control d'autoridaes |
|
|---|
Datos: Q26203731
Especies: Rubroboletus satanas