Bandera d'Angola

Bandera d'Angola
Datos
Estáu	Angola
Fecha d'adopción	11 de payares de 1975 (49 años)
Proporción	3:2
Colores	bermeyu, negru y mariellu
Elementos representaos	machete (mariellu); engranaxe (mariellu); estrella de cinco puntes (mariellu); campo (es) (bermeyu, negru)

La bandera d'Angola ta dixebrada horizontalmente en dos metades, una franxa superior bermeya y una parte inferior prieta. El color bermeyu simboliza'l sangre arramáu pol pueblu demientres la llucha pola independencia y el prietu simboliza al continente africanu. El símbolu del centru, en color mariellu, compónse d'una rueda dentada entecruciada con un machete y una estrella. La rueda dentada representa a los trabayadores industriales, el machete a los campesinos agricultores, y la estrella'l progresu y la solidariedá internacional. Los símbolos remembren la foz y el martiellu de la Bandera de la Xunión Soviética, representativos del comunismu.

Nueva bandera propuesta

Nel 2003 foi propuesta una nueva bandera nacional p'Angola. Ta compuesta por 5 franxes horizontales en tonos azul, blancu y bermeyu. Les dos franxes azules, nos estremos superior ya inferior, representen la xusticia, la solidariedá y la llibertá; les dos franxes de blancu, contigües a les anteriores, representen la paz, la xunidá y l'harmonía, mentanto la franxa central de bermeyu representa'l sacrificiu, tenacidá ya heroísmu. Nel centru asítiase'l dibuxu d'un sol de 15 rayos y tres círculos non concéntricos, asemeyáu a los dibuxos afayaos na cueva de Tchitundo-Hulu, na provincia de Namibe, y que representa'l patrimoniu cultural angolanu.

El 28 d'agostu d'aquel añu foi aprobada pola Comisión Constitucional; por embargu, esiste un movimientu popular a la escontra d'esta bandera, que namái podrá ser oficializada cuando s'afite una nueva Asamblea Constituyente.

Ver tamién

Escudu d'Angola

Referencies

Enllaces esternos

Bandera d'Angola en Flags of the World