Saltar al conteníu

Alfons Mucha

De Wikipedia
Alfons Mucha
Vida
Nacimientu Ivančice (es) Traducir[1], 24 de xunetu de 1860[2]
Nacionalidá Bandera de Imperiu austriacu Imperiu austriacu
Segunda República Checoslovaca
Bandera de Alemaña nazi Alemaña nazi
Primer República de Checoslovaquia
Bandera de Imperiu austrohúngaru Imperiu austrohúngaru
Checoslovaquia
Residencia Viena
París
Munich
Praga
Llingua materna checu
Muerte Praga[3], 14 de xunetu de 1939[2] (78 años)
Sepultura Slavín[4]
cementerio de Vyšehrad (es) Traducir[5]
Causa de la muerte neumonía[4]
Familia
Madre Amálie Muchová
Casáu con Marie Chytilová (1906 – )[6]
Fíos/es
Estudios
Estudios Académie Colarossi (es) Traducir
Academia Julian (es) Traducir
Academia de Belles Artes de Munich
(1884 - 1887)
Llingües falaes checu[7]
Oficiu cartelista, litógrafu, fotógrafu, diseñador gráficu, pintor, diseñador d'estampines, diseñador, ilustrador, artista gráficu, profesor, diseñador de xoyes, profesor universitariu, decorador
Llugares de trabayu Viena, Munich, París, Praga y Mikulov (es) Traducir
Trabayos destacaos La Épica Eslava (es) Traducir
Hradcany issue (en) Traducir
Premios
Influyencies Hans Makart, William Morris y Dante Gabriel Rossetti
Miembru de Q56418546 Traducir
Czech Academy of Science and Art (en) Traducir
Movimientu modernismo (es) Traducir
Simbolismu[9]
muchafoundation.org
Cambiar los datos en Wikidata

Alfons Maria Mucha (24 de xunetu de 1860, Ivančice (es) Traducir – 14 de xunetu de 1939, Praga) ye un pintor y cartelista checu, unu de los máximos esponentes del Art nouveau.

Los entamos

[editar | editar la fonte]

Alfons Mucha nació n'Ivancice en Moravia (República Checa), que formaba parte entós del Imperiu austrohúngaru). Fíu d'un funcionariu de xusticia, la so aptitú pal cantu permitiéron-y continuar la so educación na capital morava, Brno, pero la so pasión fuera siempre'l dibuxu. Depués de realizar dellos trabayos decorativos en Moravia (fundamentalmente los decoraos del teatru), emigra en 1879 a Viena cola intención de trabayar pa la más grande empresa de decoraos teatrales de la ciudá, continuando la so formación artística. Torna a Moravia en 1881, depués de qu'una quema destruyera la so empresa y realiza decoraciones y retratos de forma independiente. El Conde Karl Khuen de Mikulov, que lu contratara pa decorar les parés del so castiellu Hrusovany Emmahof, quedó tan impresionáu col so trabayu que-y financia los estudios en Munich.

L'actriz Maude Adams carauterizada como Xuana d'Arcu

París

[editar | editar la fonte]

Mucha mudóse a París en 1887 pa continuar colos sos estudios na académie Julian y na Académie Colarossi, produciendo al mesmu tiempu ilustraciones pa revistes y afiches publicitarios. N'avientu de 1894 realiza'l cartel publicitariu de Gismonda, la obra interpretada por Sarah Bernhardt nel Théâtre de la Renaissance. Esi cartel asoleyóse los primeros díes de xineru de 1895 y causó una sensación grande nos ambientes artísticos, lo que fizo que Sarah Bernhardt lu contratara n'esclusiva durante seis años. El so estilu finu valió-y muncha notiriedá. Los carteles realizaos pa ella contribuyeron a esparder la fama de l'actriz más allá de les fronteres de Francia. Hasta 1901, Mucha non solo foi responsable de los carteles publicitarios, sinón tamién de les escenografíes y los vestuarios del Théâtre de la Renaissance. Foi esta obra, col so estilu exuberante y estilizáu, lo que-y dio tanto sonadía como numberoses comisiones.

Otros carteles famosos pal Théâtre de la Renaissance son:

  • La Dame aux camélias( 1896)
  • Lorenzaccio (1899)
  • La Samaritaine (1897)
  • Médée (1898)
  • Hamlet (1899)
  • Tosca (1899)¨

En 1896, participa na Exposition du Cirque de Reims y fai'l cartel del Salon des Cent que tien llugar en París.

Mucha ye tamién conocíu por facer una riestra de pintures, posters y carteles publicitarios pertenecientes al estilu Art nouveau. Ente ellos, los más populares, podemos citar Lefèvre-Utile, Job, Perfecta, Ruinart, Moët et Chandon.

Representaba normalmente muyeres xóvenes con vestíos neoclásicos con teles flotantes, a menudo coronaes con flores. El so estilu foi aína asonsañáu, pero ensin algamar el toque artísticu que solo Mucha podía dar.

Cuando Mucha visitó Estaos Xuníos foi reclutáu pola escéntrica actriz Leslie Carter, que trató de superar la ostentación de les obres de teatru de Sarah Bernhardt, lo que finalmente la llevó a la ruina. El formatu y la configuración de los carteles yeren asemeyaos a los fechos pal Théâtre de la Renaissance enantes de 1900, con una influyencia de les xoyes creaes pa Georges Fouquet.

Muerre en Praga el 14 de xunetu de 1939, dellos díes depués de ser interrogáu pola Gestapo. El so cuerpu foi tiráu a una fuexa común, la ilesia católica refugó da-y sepultura en tierra cristiana debido al fechu de la so pertenencia a la masonería. Una placa conmemorativa ta dedicada a él nel cementeriu de los Grandes Homes de Praga.

Referencies

[editar | editar la fonte]
  1. ↑ «Archivo de Bellas Artes». Consultáu'l 1r abril 2021.
  2. ↑ 2,0 2,1 Biblioteca Nacional de Francia. «autoridaes BNF» (francés). Consultáu'l 10 ochobre 2015.
  3. ↑ Afirmao en: Gemeinsame Normdatei. Data de consulta: 31 avientu 2014. Llingua de la obra o nome: alemán. Autor: Biblioteca Nacional d'Alemaña.
  4. ↑ 4,0 4,1 URL de la referencia: https://hedendaagsesieraden.nl/2022/11/05/alphonse-mucha/.
  5. ↑ Afirmao en: BillionGraves. BillionGraves grave ID: 24756932. Llingua de la obra o nome: inglés.
  6. ↑ «Mucha at a glance».
  7. ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
  8. ↑ 8,0 8,1 Research Library in Olomouc. «REGO» (checu). Consultáu'l 1r abril 2024.
  9. ↑ Afirmao en: Encyclopédie du symbolisme. Autor: Jean Cassou. Data d'espublización: 1979.

Enllaces esternos

[editar | editar la fonte]
Sacáu de «https://ast.wikipedia.org/w/index.php?title=Alfons_Mucha&oldid=4278672»