Xordera

Muller esprisando-se en a luengua de sinyals francesa.

A xordera u ixordera^[1] ye a condición d'a persona que se troba privata d'o sentito d'a oída, ye decir, que no permite a l'afectato por malautía, malformación u desgaste d'a oida d'ascuitar os sonitos d'o suyo entorno. Ista perduga d'audición puet estar parcial u total, transitoria u permanent, y fa que as personas con xordera tiengan especials dificultaz ta percibir u ta entender a información y ta desembolicar habilidaz socials de traza comunicativa; cal parar cuenta repective d'ixo d'a diferencia entre as personas que tienen xordera dende a suya naixencia y as personas que se convertioron en xordas dimpués d'haber adquirito o luengache oral, estando en iste zaguer caso muito mas desembolicatas as suyas capacidaz.