Villafranca

	Villafranca
	Municipio d'Aragón
Entidat; • País; • Provincia; • Comarca	Municipio; Aragón; Teruel; Xiloca
Partiu chudicial	Teruel
Superficie	66,8 km²
Población; • Total; • Densidat	; 302 hab. (2013); 4,52 hab/km²
Altaria; • Meyana	; 956 m.
Distancia; • 47 km	; enta Teruel
Alcalde	Miguel Ángel Navarro Andrés
Codigo postal	44394
Parroquial; • Diocesi; • Arcipestrau; • Parroquia	; Teruel y Albarracín; Calamocha; Sant Chuan Baptista
Coordenadas	40°41’39’’N 1°20’45’’U
	Villafranca Villafranca en Aragón
	Web oficial

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Este articlo tracta sobre lo municipio teruelano de Villafranca. Pa atros emplegos de lo toponimo Villafranca se veiga Villafranca (desambigación).

Villafranca (Villafranca del Campo en castellano) ye un municipio de la provincia de Teruel (Aragón), situato en la comarca de Xiloca.

La suya población ye de 302 habitants en una superficie de 66,8 km² y una densidat de población de 4,52 hab/km².

Cheografía

Ye situato en la fuesa de Xiloca que fa part de la depresión de Calatayú-Teruel, cerca de lo río Xiloca, a 956 metros d'altaria dencima de lo livel d'a mar y a una distancia de 47 km de la ciudat de Teruel, la capital de la suya provincia.

Mugas

Lo suyo termin municipal muga con Alba, Peracens, Villar d'el Salz, Uellos Negros, Mont-reyal, Buenya y Cingla.

Toponimia

No ye mencionata en l'adchudicación de decimas y primicias de Remón de Castrocol de 1205 y Pascual Diarte Lorente opina que fue fundata dimpués d'ixe anyo como nuclio de repoblación, como atros toponimos con lo principio con "villa" que bi ha en la redolata.

L'apelativo del Campo ye recient, dende 1910. Tradicionalment s'ha dito y escrito siempre Villafranca y variants. Por eixemplo en las actas de lo proceso de Corz de Zaragoza (1398-1400) s'escribe Villa Francha.

Bi ha microtoponimos con component aragonés u con arcaísmos intresants como La Cambra, Cheza, Trascasa, Travesadas, Los Toscares, Toscales, Suertes del Azarollo, Cerro de los Algezares, Saletas, La Retuerta, Raboseros, Ornellas, El Hondón, Mirabuenas, Las Lomas, Cuello Bajo, Cordegal/Cardegal, Canyalacambra, Cantonada y Ituelos.

Demografía

Evolución demografica

1992	1994	1996	1997	1998	1999	2000	2001	2002
-	-	-	-	407	387	382	380	381

2003	2004	2005	2006	2007	2008	2009	2010	2011
371	368	368	349	360	365	361	352	339

2012	2013	2014	2015	2016	2017	2018	2019	2020
323	323	314	299	300	289	297	298	285

2021	2022	2023	2024	2025	2026	2027	2028	-
302	301	-	-	-	-	-	-	-

1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

Historia

Los primers documentos que n'i ha referencias son de 1182 y 1211. Seguntes bels historiadors, Villafranca amaneixió de la unión de los nuclios de Saletas, Torre Imbidia y Cuevas, encara que atros creyen que Villafranca correspondeba a la pardina de localización desconoixita dita Villalbiella u Villalbuela.

En la primera organización territorial documentata, colacions eclesiasticas de la Comunidat de Daroca de 1205, no hi amaneix, pero no quiere dicir que no existise, podeba estar a Villaalbiella que mencionan u podeba estar que pagasen a atras ilesias fuera de la Comunidat. Alifonso II lo Casto donó l'aldeya Torre Imbidia con lo Castiello de Cingla a lo Monesterio de Mont Aragón en 1182.

En 1211, lo termin de Villafranca pasó a la Orden de Sant Chuan de Cherusalén, y en dependió dica 1217. En esta epoca li se adhibió un Coto redondo chunto a la Virchen de la Torre. En un plan a lo costato de la Ermita, i acampó l'exercito de Chaime I d'Aragón.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
Partido Popular									4
Partido Aragonés									2
Partido de los Socialistas de Aragón									1
Total									7

Alcaldes

Lista d'alcaldes
Lechislatura	Nombre	Partiu politico
1979–1983	José Bujeda Ballestero	Independient
1983–1987
1987–1991
1991–1995
1995–1999
1999–2003
2003–2007
2007–2011	Miguel Ángel Navarro Andrés	Partido Popular
2011-2015	Miguel Ángel Navarro Andrés	Partido Popular
2015–2019
2019–2023
2023–2027	Miguel Angel Navarro Vicente ^[1]	PP

Molimentos

Ilesia parroquial de Sant Chuan Baptista, una ilesia adedicata a Sant Chuan Baptista, edificio en estilo barroco prencipiato en 1731.
Ermita d'a Virchen d'o Campo.

Fiestas

Martes de Garrastolendas.
Virchen de lo Campo, 8 de septiembre.

Bibliografía

Agustín Gil Domingo: La historia de Calamocha a través de la historia (I). Xiloca 30.[1]
Luis Alberto Majarena Gonzalvo: El libro bermejo del archivo colegial de Daroca. Centro de Estudios Darocenses. Colección Documentos para la Historia de Daroca y su Comunidad. 1989.