Urbanización

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Una urbanización ye un complexo residencial, por un regular situau difuera d'o centro d'un municipio, y que en pende administrativament.

Particularidatz

Urbanización viene d'a parola latina urbis. Actualment ye una forma común de fer referencia a un conchunto de viviendas humanas desembolicadas de forma organizada, igual que as zonas industrials y arias comercials. Por un regular istas zonas residencials se situan difuera d'os nuclios de población estableixius, por eixemplo en l'antigo meyo rural, versants de montanyas y zonas de costa.

Una urbanización no ye un lugar propiament dito. Consta basicament de chalets u edificios no guaire grans y d'un ret de camins u de carreteras. En a segunda metat d'o sieglo XX as casas d'as urbanizacions yeran mas que mas de segunda residencia.

En a zona d'a mediterrania muitos d'istos nuclios de población s'oponen a la forma de vivir tradicional, ya que a gran mayoría son inaccesibles con os medios de transporte publicos y penden totalment d'o transporte privau. Belunas, y mas que mas as construyidas mientres o "boom" immobiliario de 1990-2007, no gosan tener toz os servicios que cal pa estar nuclios viables.

Con o creiximiento, bi ha urbanizacions que pueden convertir-sen en barrios de poblacions más grans. D'atra man, tamién bi'n ha que pueden estar inviables y rematar degradando a redolada.

Se veiga tamién

Vinclos externos

Se veigan as imáchens de Commons sobre as urbanizacions.
(ca) [1] Lei 3/2009, d'a Generalitat de Catalunya de regularización y amillora d'urbanizacions con deficits urbanisticos

Datos: Q75848
Multimedia: Gated communities / Q75848