Luengas occitanorromanicas

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Luengas occitanorromanicas
Familia lingüistica
Atras denominacions:	'
Distribución cheografica:	Francia, Espanya, Andorra, Mónegue, partis d'Italia
Etnia:
Clasificación lingüistica
Clasificación:	Indoeuropeas Romances Italo-occidentals Occidentals Galorromanicas Occitanorromanicas
Protoluenga:	Latín
Subdivisions:	1) Occitán 2) Catalán 3) Navarro-aragonés?
ISO 639-1:	[1]
ISO 639-2:	[2]
ISO 639-3:	[3]
ISO 639-4:	[4]
ISO 639-5:	roa
Linguasphere:	'
Glottolog:	[5]
Mapa de situación
Luengas occitanorromanicas

As luengas occitanorromanicas (en catalán llengües occitanoromàniques, en occitán lengas occitanoromanicas) son una branca d'as luengas romances en as que s'incluyen l'idioma occitán, l'idioma catalán y, seguntes bellas fuents, o navarro-aragonés.

Extensión

O grupo cubre as luengas d'o sud de Francia (Occitania incluyindo-ie Catalunya Norte), parti oriental d'Espanya (Catalunya, o País Valenciano, as Islas Balears, a Francha Oriental d'Aragón, o Carche), Andorra, Mónegue, partis d'Italia (Vals Occitanas, L'Alguer, Guardia Piemontesa) y, historicament o Condau de Tripoli y as posesions d'a Corona d'Aragón. A existencia d'iste grupo de luengas ye discutida tanto dende o punto d'anvista lingüistico como politico.

Clasificación

D'alcuerdo con bels lingüistas, tanto l'occitán como o catalán habrían d'estar consideradas luengas galorromanicas. Atros lingüistas tienen dandalos con l'occitán, encara que consideran a o catalán como parti d'as luengas iberorromanicas.

O motivo d'a discusión ye tanto politico como lingüistico, ya que a deseparación entre luengas galorromanicas y iberorromanicas sigue a linia de l'actual muga entre os estaus de Francia y Espanya, y isto ye basau mas en criterios territorials que historicos y lingüisticos. Un d'os mayors esfensors d'a unidat d'as luengas d'a Peninsula Iberica estió o filologo gallego Ramón Menéndez Pidal, mientres que por muito tiempo atros como Wilhelm Meyer-Lubke (Das Katalanische, Heidelberg, 1925) heban refirmau a ideya d'a relación entre occitán y catalán .

En a Edat Meya, mientres os cinco sieglos (VIII a XIII) de converchencia politica y social d'istos territorios, no existiba una distinción u deseparación clara entre occitán y catalán. Asinas por eixemplo, o trobaire provenzals Albertet de Sestaró, deciba: "Monchos, deciz-me d'alcuerdo a os vuestros conoiximientos qui son millor: os franceses u os catalans? y alavez astí meteré a Gascunya, Provenza, Lemosín, Auvernia y Viennois, tanimientres serán tierra de dos reis." En Marsiella, bi ha una canción tipica provenzal que se diz Canción catalana. (M. Milà i Fontanals, De los Trobadores en España, p. 487)

Variants internas

Encara que a mayoría de lingüistas deseparan o catalán de l'occitán, as dos luengas han estau tractadas como una en estudios de lingüistas occitans mirando de clasificar os dialectos d'ista luenga en grupos supradialectals. Iste ye o caso de Pierre Bec y, mas recientment, de Domergue Sumien. Os dos unen as catalán, gascón y parti d'o lengadocián en un grupo aquitano-pirenenco u pre-iberico y deixan a resta de l'occitán en un (Sumien: arverno-mediterranio) u dos grupos (Bec: arverno-mediterranio, occitán central).

Referencias

• Datos: Q599958
• Multimedia: Occitano-Romance languages / Q599958