Almofalla

	Almofalla; Almohaja
	Municipio d'Aragón
Entidat; • País; • Provincia; • Comarca	Municipio; Aragón; Teruel; Comunidat de Teruel
Partiu chudicial	Teruel
Superficie	25,6 km²
Población; • Total	; 17 hab. (2013)
Altaria; • Meyana	; 1.199 m.
Distancia; • 45 km	; enta Teruel
Alcalde	Tomás Simón Domínguez
Codigo postal	44369
Parroquial; • Diocesi; • Arcipestrau; • Parroquia	; Teruel y Albarracín; Albarracín; Ntra. Sra. d'o Rosario
Coordenadas	40°36’18’’N 1°26’18’’U
	Almofalla Almofalla en Aragón

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Almofalla (Almohaja en castellano) ye un municipio d'a provincia de Teruel, situato en a comarca d'a Comunidat de Teruel.^[1] A suya población yera de 16 habitants (2018), en una superficie de 25,3 km².

Mugas

O suyo termin municipal muga con Alba, con Pozondón, con Rodenas y con Peracens.

Toponimia

Por Agustín Ubieto Arteta en Toponimia aragonesa medieval tenemos conoixencia d'a forma Almofalla en un texto 1312. En atros textos apareixe como Almohaja, razón por a que a vegadas s'interpreta o toponimo como Al Muhadchdcha^[2] ("o camín" en arabe), y no a partir de l'arabe Al-Mahala (o campamento) palabra que existe en rumano, mahala con o significato de barrio periferico, preso d'o turco.

En trobamos una mención como Almofaia a principios d'o sieglo XV cuan en 1409 Benedet XIII concede a gracia d'o quinto decimero a la fabrica d'a Seu d'o Salvador de Zaragoza y lo aplican en 1412:

Peraselç et Almofaia. Eadem die procurator presentavit processum vicario

Ye posible que Almofalla siga mencionato en un texto andalusí d'una campanya en Zaragoza como Mahal·la Xalix ("Campamento d'o Salz", referindo-se u a Villar del Salz u a lo castiello de Peracens) d'a "Cronica d'o Califa Abdarrahman III An-Nansir entre os anyos 912 y 942 (al-Muqtabis V)" de Ibn Hayyan de Córdoba chunto con atros lugars localizatos en o Xiloca u a Comunidat de Teruel.

Bi ha microtoponimos en aragonés como Puntal de los Galachos.

Historia

En o sieglo XV perteneixeba a la Comunidat de Daroca.^[3]

Demografía

Evolución demografica

1992	1994	1996	1997	1998	1999	2000	2001	2002
-	-	-	-	31	30	29	29	29

2003	2004	2005	2006	2007	2008	2009	2010	2011
31	28	30	30	28	28	23	29	29

2012	2013	2014	2015	2016	2017	2018	2019	2020
28	21	21	20	19	18	16	16	14

2021	2022	2023	2024	2025	2026	2027	2028	-
14	16	-	-	-	-	-	-	-

1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
Partido Aragonés									1
Total									1

Alcaldes

Lista d'alcaldes
Lechislatura	Nombre	Partiu politico
1979–1983	Cándido López Sánchez	UCD
1983–1987
1987–1991
1991–1995
1995–1999
1999–2003
2003–2007
2007–2011
2011–2015	Tomás Simón Domínguez	PAR
2015–2019	Tomás Simón Domínguez	PAR
2019–2023
2023–2027	Tomás Simón Domínguez ^[4]	PAR

Puestos d'intrés

Bi ha presencia d'arte esquematico en Penya de la Albarda y l' Abrigo de los Tioticos, a man d'on s'achunta o Barranco Cardoso y o Barranco de los Arejos. Son gravatos cruciformes y Antonio Beltrán Martínez los calenda en a Edat de Bronce.
Ilesia d'a Virchen d'a Rosa, s. XVIII.
Ermita d'a Virchen d'a Rosa.

Fiestas

Santa Engracia y Virchen d'a Rosa, 10 d'agosto.

Personalidaz naixidas d'Almofalla

Chusé María Cebrián Muñoz ye naixito en ista localidat. Escribió Paisaches, o primer libro en aragonés común escrito y editato en Teruel; tamién estió miembro fundador d'a Colla de Fablans d'o Sur y d'a revista Ruxiada.

Referencias

↑ (es) Catálogo de pueblos y municipios de Aragón. Estadística de población y nomenclaturas toponímicas entre 1900 y 2004 (PDF), Gubierno d'Aragón, 2005, ISBN 84-7753-366-0, p.22
↑ *(es) Gaudioso Giménez Resano: Toponimia mayor hispanoárabe de la provincia de Teruel. Revista Teruel, 76, chulio-aviento de 1986, pp 265-275.
↑ (es) Fernando Arroyo Ilera División señorial de Aragón en el siglo XV (PDF) en Saitabi: revista de la Facultat de Geografia i Història, ISSN 0210-9980, Nº. 24, 1974, pp. 65-102
↑ (es) Consulta el listado de alcaldes que han sido proclamados en Aragón en Heraldo de Aragón.

Bibliografía

Tomás Domingo Pérez, Maria Rosa Gutiérrez Iglesias: La gracia del quinto diezmero concedida en el año 1409 a la fábrica de la seo por Benedicto XIII y su primera ejecución en 1412. Aragón en la Edad Media Nº 14-15, 1, 1999.

Vinclos externos

Municipios d'a comarca Comunidat de Teruel

Datos: Q1642000
Multimedia: Almohaja / Q1642000

[1] (es) Catálogo de pueblos y municipios de Aragón. Estadística de población y nomenclaturas toponímicas entre 1900 y 2004 (PDF), Gubierno d'Aragón, 2005, ISBN 84-7753-366-0, p.22

[2] *(es) Gaudioso Giménez Resano: Toponimia mayor hispanoárabe de la provincia de Teruel. Revista Teruel, 76, chulio-aviento de 1986, pp 265-275.

[3] (es) Fernando Arroyo Ilera División señorial de Aragón en el siglo XV (PDF) en Saitabi: revista de la Facultat de Geografia i Història, ISSN 0210-9980, Nº. 24, 1974, pp. 65-102

[4] (es) Consulta el listado de alcaldes que han sido proclamados en Aragón en Heraldo de Aragón.

[1]

[2]

[3]

[4]

Almofalla Almohaja
Municipio d'Aragón

Entidat • País • Provincia • Comarca	Municipio Aragón Teruel Comunidat de Teruel
Partiu chudicial	Teruel
Superficie	25,6 km²
Población • Total	17 hab. (2013)
Altaria • Meyana	1.199 m.
Distancia • 45 km	enta Teruel
Alcalde	Tomás Simón Domínguez
Codigo postal	44369
Parroquial • Diocesi • Arcipestrau • Parroquia	Teruel y Albarracín Albarracín Ntra. Sra. d'o Rosario
Coordenadas	40°36’18’’N 1°26’18’’U
Almofalla Almofalla en Aragón