Sennentuntschi
| Filmdate | |
|---|---|
| Dütsche Titel | Sennentuntschi |
| Originaltitel | Sennentuntschi |
| Produktionsland | Schwiiz, Östriich |
| Originalsprooch | Schwiizerdütsch |
| Erschiinigsjoor | 2010 |
| Lengi | 122 Minute |
| Altersfreigoob | FSK 16[1] |
| Stab | |
| Regie | Michael Steiner |
| Dräibuech | Michael Steiner, Michael Sauter, Stefanie Japp |
| Produktion | Simone Häberling, Bruno Seemann |
| Muusig | Adrian Frutiger |
| Kamera | Pascal Walder |
| Schnitt | Ueli Christen |
| Bsetzig | |
| |
Sennentuntschi isch dr Name vom ene Schwiizer Film us em Johr 2010. Dr Regisseur isch dr Michael Steiner, s Draihbuech hai d Stefanie Japp, dr Michael Steiner und dr Michael Sauter gschriibe. D Dialog si uf Schwiizerdütsch.
De Film isch a de Eröffnig vom 6. Zurich Film Festival am 23. September 2010 urufgfüert worde.[2] Am 14. Oktober 2010 hät de Film i de Schwizer Kino gstartet.[3]
Inhalt
[ändere | Quälltäxt bearbeite]In eme abglägene Bärgdorf in de Schwiizer Alpe erschiint im Johr 1975 e schöni Frau und niemer weiss vo wo si chunnt. Vu dr verschlossene Dorfgmeinschaft wird si nit duldet, wäge däm flichtet si in d Bärg.
Di drej einsame Senne Martin, Erwin un Albert dräffe si un halte si fir e Sennetuntschi, wel si am Dag dervor e sonige Buppe baschtlet gha hän. Di drej versinke im Absinth-Rusch un vergwaltige di uubekannt Frau. Si rächt sich und deedet zerscht d Geiße vu dr Alp. Au di drej Senne chemme um s Läbe, wäge was si ne aaduet oder dur eigeni Gwalt.
Der Dorfbolizischt Reusch het derwyyl uusegfunde, ass di jung Frau d Dochter vum Bfaarer isch, wu si ihr ganz Läbe im Chäller gfange ghalte het, wäge däm cha si nit schwätze. Dr Bfaarer wird verhaftet.
Dr Bolizischt suecht d Frau in dr Bärge un findet si ellei uf dr Alp. Si sait ihm, ass si d Senne umbrocht het un flichtet, doderby ghejt si in e Schlucht. Dr Reusch findet d Lyyche vu dr Senne un bringt sich um, wel er sich schuldig fielt.
Schauspiiler
[ändere | Quälltäxt bearbeite]D Roxane Mesquida spiilt im Film di unbekannti jungi Frau, s Sännetuntschi. De Andrea Zogg, de Carlos Leal und de Joel Basman sind die drei Sänne uf de Alp. De Nicholas Ofczarek versuecht als Dorfpolitischt e chli Liecht i di ganz Gschicht z bringe.
Ehrige
[ändere | Quälltäxt bearbeite]Im Johr 2011 hät de Film Sennentuntschi am Filmfestival z Locarno d Schwizer Filmpärle i de Sparte «Bester Spielfilm» vo art-tv.ch öbercho.[4]
Weblink
[ändere | Quälltäxt bearbeite]- Offizielli Website vom Film
- Sennentuntschi in dr Internet Movie Database
- Sennentuntschi Filmbeschrybig uf de Website vom Zurich Film Festival
Noowiis
[ändere | Quälltäxt bearbeite]- ↑ Macht Ihnen Gewalt Spass, Herr Steiner? Artikel uf blick.ch vom 24. September 2010, aktualisiert am 02. Jänner 2012
- ↑ Grüner Teppich an der Eröffnung des Zurich Film Festivals Artikel im Tages-Anzeiger vom 24. September 2010
- ↑ «Sennentuntschi» ist gerettet – Kinostart steht fest Artikel uf tagesanzeiger.ch vom 3. Februar 2010
- ↑ Locarno 2011 - Filmperle Archivlink (Memento vom 21. Oktober 2014 im Internet Archive) abgruefe am 21. Oktober 2014