Schwiizerhalle

D Schwiizerhalle isch e bedütends Industriigebiet diräkt am Rhii in de basellandschaftlige Gmeinde Muttez und Brattele bi Basel. D Schwiizerhalle ghört zum Wirtschaftsgebiet Nordwestschwiiz und isch dr Standort vo de Schwiizer Rhiisaline und vo bekannte Chemiikonzärn wie Novartis und Clariant.

Der Name

Der Name chunnt vo "Schwiizer Halle", ere eltere Bezeichnig vo de Schwiizer Rhiisaline. „Halle“ isch dr Plural vo „Hall“, e Wort für Saline, wo me nüm bruucht. Wo me em Undernähme si Name ge het, het me dänggt, ass „Hall“ e keltische Usdruck für Salz siig.

S Unglück

D Schwiizerhalle isch im Johr 1986 uf druurigi Art berüehmt worde, wo am 1. November e Grossbrand bim Chemiikonzärn Sandoz usbroche isch. S grosse Füür, dr dick Rauch, dr Gstank und die unbekannti Zsämmesetzig vo de Verbrennigsgas hai d Behörde vo de Nochbergmeinde (u. a. Basel) veralasst, d Bevölkerig am Morge früeh mit eme allgemeine Sirenealarm z alarmiere und au e mehrstündigi Usgangssperri azordne. Keini Persone hai Schäden erlitte, aber s versüchte Löschwasser het dr Rhii versüücht und e grosses Fischstärbe usglöst. Die Giftwälle, vor allem Pestizid wie Disulfoton, Thiometon, Parathion und Fenitrothion, won e Halbwärtsziit vo 30 bis 50 Däg het, het uf ere Lengi vo 400 km die ganzi Aalpopulation usglöscht. S dynamische Fliesswasser-System und d Organisme hai sich in e baar Möned vom Unglück erholt.^[1] Der rot Farbstoff, wo in Rhii gflossen isch het zwar s Wasser stark gfärbt, isch aber sälber harmlos gsi.

Nowiis

↑ Der Rhein rot, die Fische tot – 20 Jahre nach dem Sandoz-Brand Archivlink (Memento vom 27. Septämber 2007 im Internet Archive) – Nochricht vo der EAWAG

Literatur

Nikolai A. Behr: Die Entwicklung des Rheinschutz-Regimes unter besonderer Berücksichtigung des Sandoz-Unfalls vom 1. November 1986; brain script-Verlag, München, 2003, 228 S., ISBN 3-9808678-0-3.

Weblingg

Rheinsaline
SRG SSR Timeline: Chemie-Brandkatastrophe in Schweizerhalle – Dokumentation vom Schwiizer Fernsehe vo 1986
20 Jahre nach Schweizerhalle – Aktuelli Dokumentation vom Schwiizer Fernsehe
Zeitzeuge berichtet 20 Jahre danach – Artikel im webjournal.ch

Dä Artikel basiert uff ere fräie Übersetzig vum Artikel „Schweizerhalle“ vu de dütsche Wikipedia. E Liste vu de Autore un Versione isch do z finde.

47.5322222222227.6708333333333Koordinate: 47° 31′ 56″ N, 7° 40′ 15″ O; CH1903: 617486 / 264636

[1] Der Rhein rot, die Fische tot – 20 Jahre nach dem Sandoz-Brand Archivlink (Memento vom 27. Septämber 2007 im Internet Archive) – Nochricht vo der EAWAG

[1]