Schtroossabàhn Reims

Schtroossabàhn Reims
Bild
Basisinformatione
Staat	Frànkrììch
Stadt	Reims
Ufgmacht	18. Àwrìl 2011
Bedryber	Transdev Reims
Infrastruktur
Streckelengi	11,2 km
Glaiswyti	1435 mm (Normalglais)
Stromsischtem	750 V DC Owwerlaitung / APS-Schtroomschììna
Haltstelle	23
Betrieb
Linie	2
Takt in dr HVZ	Linia A: 6 min Linia B: 18 min
Fahrzyg	18 Alstom Citadis 302
Statischtik
Fahrgescht	42 500 pro Tààg
Netzplan
Nätzplààn

Dialäkt: Mìlhüüserdiitsch

D’ Schtroossabàhn Reims (uff Frànzeesch tramway de Reims ^ⓘ) ìsch a Schtroossabàhnsüschteem ìn dr frànzeescha Schtàdt Reims, wo ’s zitter’m 16. Àwrìl 2011 gìtt. ’S fàhrt uff zwai Linia fìr a Gsàmtlänga vun äbba 11 Kilomeeter mìt 23 Hàltaschtälla.

Vu 1881 bis 1939 ìsch schuu-n-a Schtroossabàhn gfààhra; sa ìsch üss’m Pfardabüssanätzwark äntschtànda, wo’s zitter 1872 gaa hàt.

Pfardabüs un Schtroossabàhn bis 1939

Ìm Jüüni 1872 hàt maa d’ äärschta zwai Linia vum Pfardabusnätz ìn Betribb gnumma. Ain Joohr schpeeter hàt maa-n-a drìtta Linia ìn Betribb gnumma. Ànna 1875 hàt dr Gmaindaroot bschlossa, s’ Nätz z’ modärnisiara un a normààlschpüariga Schtroossabàhn mìt ìnsgsàmt viar Linia z’ bàuija. D’ Bàuiàrweta hann ànna 1878 ààgfànga; ànna 1881 hàt maa d’ äärschta dräi Kilomeeter ìn Betribb gnumma. Ànna 1899 sìnn näija Umbàuiàrweta gsìì, d’ Schtroossabàhn ìsch uff Meeterschpüar umg’schpüart un eläktrifiziart worra. D’ äärschta eläktrischa Bààhna sìnn ìm Jüüni 1900 gfààhra. Kurz vor’m Äärschta Waltkriag sìnn 10 Millioona Fàhrgascht uff säcks Linia gsìì.

Wahrem Äärschta Waltkriag ìsch s’ Nätz vollschtandig zärschteert worra. ’S ìsch bis 1920 zem greeschta Tail wììder uffbàuija worra. Ìn da 1920er Joohra hàt d’ Reimser Schtroossabàhngsällschàft (Compagnie des tramways de Reims) d’ Fàhrzigga un s’ Nätz loo modärnisiara un ärwittera. Ànna 1937 hàt d’ Schtàdtverwàltung bschlossa, s’ Schtroossabàhnnätz schtìllz’leega un uff Büsbetribb umz’schtälla. Bis Nowamber 1939 hàt maa dàs bii àlla Linia umgsätzt.

Gschìcht

Ànna 1984 sìnn äärschta Plàànunga gsìì, fìr a näij Schtroossabàhnnätz bàuija; dia Plàànunga sìnn ànna 1986 ìn dr Äffentligkait vorgschtällt worra. Àm 14. Janner 1991 hàt àwwer dr Bìrgermaischter Jean Falala s’ Projakt gschtoppt, wial d’ Ainzelhandler vu dr Ìnnaschtàdt d’rgeega haftig protäschtiart hann. Ìm Falala sii Nohfolger Jean-Louis Schneiter hàt àb Oktoower 2003 d’ Plàànunga nochamol uffgrìffa: s’ Projakt ìsch vu da Politiker un da Beheerda àbgschtìmmt worra un zwìscha Septamber 2004 un Janner 2005 ìn dr Beväälkerung vorgschtällt worra. Protäschtiart hann nochamol d’ Ainzelhander, àwwer àui dàsmol d’ konsärwàtiiwa Pàrtäija so wia d’ Gwarkschàft vu da Büsfààhrer. D’ Gwarkschàft hàt gfurchta, àss vììla Àrwetsplatz àbbàuija waara. Àm 28. Hornung 2005 hàt dr Gmaindaroot a Grundsàtzäntschaidung zem Bàui vu dr Schtroossabàhn getroffa. Bii da Kommünààlwààhl vu 2008 hann sìch d’ B’fìrworter unter dr näija Bìrgermaischter Adeline Hazan duuragsätzt.

Fìr d’ Schtroosabàhn finànziara ìsch ìm Àwrìl 2005 d’ Trànschportschtiir „Versement transport“ vu 1,0 uff 1,8 % gschtaigert worra. Àm 10. Oktoower 2006 ìsch dr Vertrààg mìt’m Konsortium Mobilité Agglomération Rémoise (MARS) unterzaichent worra. Veràntwortlig ìsch MARS fìr d’ Finànziarung, d’ Üssfiahrungsplàànung, dr Bàui un fìr dr Betribb vum Schtroossabàhnsüschteem bis 2041; züadam hàt s’ Konsortium ìm Janner 2008 dr Busverkeehr z’ Reims ìwwernumma. D’ Hàuiptààtailsaigner vu MARS sìnn dr Schììnafàhrziggharschtäller Alstom (17 %), s’ Trànschportunternamma Transdev (17 %) so wia s’ schtààtliga Fìnànzìnschtitüüt Caisse des Dépôts (30 %). Dur d’ Bìldung vum Konsortium solla Konflikta zwìscha da Bàui- un da Betribbsfirma vermaida waara. Domìt ìsch z’ Reims s’ äärschta frànzeescha Schtroossabàhnnätz gsìì, wo ìn’ra äffentlig-prìwààta Pàrtnerschàft äntschtànda-n-ìsch. Dàs Orgànisàzioonsmodäll ìsch àui schpeeter biim Rhônexpress, dr Flughààfabààhn z’ Lyon, ààgwandt worra. Dr Uffgààwatraager fìr dr Noochverkeehr ìsch dr Kommünààlverbànd Reims Métropole — hìtt Grand Reims —, wo fìr d’ Priispolitik, d’ Äntschaidung ìwwer Üssbàuimààssnààhma un d’ Kontrolla vu MARS züaschtandig ìsch.

Fìr dr Bàui vu dr Schtroossabàhn hàt maa ìnsgsàmt 338 Millioona Öiro ààg’lajt; wittera 75 Millioona Öiro hàt maa fìr Plàànungs- un Finànziarungskoschta so wia d’ Ìwwernààhma vum Büssbetribb. S’ Konsortium MARS hàt äbba 60 Prozant bzààhlt.

• Bàui vu dr Schtroossabàhnlinia
• 
  Uffràuimung uff dr Avenue de Laon
• 
  Üssgrààbung uff’m Cours Jean-Baptiste Langlet
• 
  Üssgrààbung
• 
  Vorberaitung uff dr Avenue Kennedy
• 
  doo wìrd d’ Betungplàtta uff dr Avenue de Laon gossa
• 
  d’ äärschta Betungplàtta àm Wìnkel vum Cours Jean-Baptiste-Langlet un dr Rue Carnot
• 
  doo waara d’ Glaisatraager uff dr Avenue de Laon g’lajt
• 
  doo waara d’ Glaisatraager uff dr Rue de Vesle g’lajt
• 
  doo waara d’ Glaisa uff dr Avenue de Laon g’lajt
• 
  doo waara d’ Glaisa uff dr Avenue Eisenhower verschwaisst
• 
  doo wìrd d’ Schtroossa-n-unterhàlt àm Place des Belges umgschtàlta

Schträckanätz

S’ Schtroossabàhnnätz ìsch ìnsgsàmt 11,2 Kilomeeter làng. ’S b’schteht üss’ra Nord-Süüd-Schträcka, wo d’ Ìnnaschtàdt duurakweert, un era Zwaigschträcka zem TGV-Bààhnhoof Bezannes. D’ Schträcka fàngt ìm Norda ìm Schtàdttail Orgeval àà — bii dr Granz vu La Neuvillette —, fàhrt d’rnooh dur d’ Iikàuifsschtrooss Avenue de Laon, wu mehrera Hàltaschtällta z’ fìnda sìnn. D’rnooh fàhrt sa äntlàng em Owwertail vu da Promenades un halt vor’m Reimser Hàuiptbàhnhoof. Dur d’ Rue Thiers fàhrt sa ìn dr Cours Jean-Baptiste-Langlet, pàssiart s’ Mìnschter un fàhrt d’rnooh uff dr gànza Rue de Vesle. ’S ìwwerkweert dr Fluss Vesle un dr Aisne-Marne-Kànààl un hàlt àn dr Schtälla vor dr Comédie de Reims, em Leo-Lagrange-Schtàdtpàrk un em Auguste-Delaune-Schtadium. Dräi wittera Hàltaschtälla lììga àn’ra groossa Prìwààtklinik ìm Viartel Courlancy, vor’m Bàhnhoof Franchet-d’Esperey un vor’m Pàrk Saint-John-Perse. Schliasslig fàhrt d’ Bààhn ìn dr Schtàdtviartel Croix-Rouge un schtoppt vor dr Üniwärsiteet. Noh dr Hàltaschtälla Arago ìsch a Schpàltung: D’ Linia A fàhrt bis zem Regionààlschpitààl Robert-Debré, un d’ Linia B fàhrt bis zem TGV-Bàhnhoof z’ Bezannes.

Ìnsgsàmt sìnn 23 Hàltschtälla bàuia worra. Ìm Iizugsbraich laawa 70.500 Litt un schàffa 26.500 Litt.

• 
  d’ Nord-Andhàltaschtälla Neufchâtel ìm Viartel Orgeval
• 
  àn dr Hàltaschtälla Boulingrin, wo hìtt „Schneiter“ haisst
• 
  àn dr Hàltaschtälla Gare Centre vor’m Hàuiptbàhnhoof
• 
  àn dr Hàltaschtälla Gare Centre
• 
  uff’m Cours Jean-Baptiste-Langlet ìm Schtàdtzäntrum
• 
  àm Wìnkel vum Cours Jean-Baptiste-Langlet
• 
  àn dr Hàltaschtälla Opéra àm Ààfàng Rue de Vesle
• 
  àn dr Hàltaschtälla Opéra
• 
  ìm Owertail vum Rue de Vesle vor’m Opera
• 
  àn dr Hàltaschtälla Vesle
• 
  ìm Untertail vu dr Rue de Vesle
• 
  d’ Hàltaschtälla Comédie uff dr Vesle-Brucka
• 
  Wàrtahiisla àn dr Hàltaschtälla Comédie
• 
  Tààfla àn dr Hàltaschtälla Comédie
• 
  d’ Hàltaschtälla Courlancy uff dr Avenue-du-Général-de-Gaulle
• 
  d’ Glaisa

Ìm Schtàdtzäntrum düat d’ Schtroossabàhn uff 1,9 ohna Owwerlaitung verkeehra. Schtàttdässa wìrd dr Schtroom ìwwer Schììna noh-n-em APS-Süschteem versorgt: fìr d’ Füassganger nìt gfahrda, wìrd d’ Schììna numma unter Schtroom gsätzt, wänn d’ Schtroossabàhn uff’m Schträcka-n-àbschnìtt düat fààhra. Dia Schtroomversorgung gìtt’s àui, fìr s’ Schtàdtbìld ìm B’raich vum Mìnschter nìt — zitter 1991 gheert s’ Mìnschter züa dr Waltkültüürärwa.

Fàhrzigga

Dr Fàhrziggpàrk b’schteht üss 18 Citadis 302 Triibwààga. Dr äärschta Zuug ìsch àm 26. März 2010 ìn Reims ààglììfert worra; àb Oktoower 2010 ìsch s’ gsàmta Schträckanätz fìr Proobafàhrta b’nutzt worra. D’ Citadis-Tribbwààga sìnn 32,4 Meeter làng un 2,4 Meeter brait; do drìnn känna bis zu 205 Fàhrgaschta-n-iischtaiga. D’ Zììg hàt dr Schwiizer Designer Ruedi Baur gschtàlta. Dr Fronttail sììht wia-n-a Schàmpàànierglààs üss. Zììg gìtt’s ìn mehrera Fàrwa. Ìwwer d’ Fààrwa un d’ Gschtàltung vu da Fàhrziggkepfa kann d’ Bìrger känna àbschtìmma.

• d’ verschììdana Fàrwa
• 
  Fuchsia
• 
  Lavande
• 
  Azur
• 
  Pistache
• 
  Mandarine
• 
  Écarlate
• 
  Turquoise
• 
  Citron
• 
  Gris
• 
  àm Ìnnera (Fàrb Pistache)
• 
  àm Ìnnera (Fàrb Lavande)

Lìteràtüür

• Christoph Groneck: Reims: „Champagner-Straßenbahn“ vor der Eröffnung. In: Stadtverkehr 12/2010 (55) ISSN 0038-9013, S. 18–23.
• François Laisney: Atlas du Tramway dans les villes françaises. Éditions Recherches, Paris 2011, ISBN 978-2-86222-067-3, S. 326–335 (französisch, Iigschränkti Vorschau uf books.google.de). 
• Connaissance du Rail Nr. 216–217 (französisch).

Weblìnks

 Commons: Schtroossabàhn Reims – Sammlig vo Multimediadateie

• Websitta vum Konzessionäärkonsortium MARS (frànzeesch)

Ainzelnoohwiisa

Schtroossa- un U-Bààhna ìn Frànkrììch

Dä Artikel basiert uff ere fräie Übersetzig vu dere Version vum Artikel „Straßenbahn_Reims“ vu de hochdütsche Wikipedia. E Liste vu de Autore un Versione isch do z finde.