Rünebrg

Rünenberg
	Wappe vo Rünenberg
Basisdate
Staat:	Schwiiz
Kanton:	Basel-Landschaft (BL)
Bezirk:	Sissach
BFS-Nr.:	2860
Poschtleitzahl:	4497
Koordinate:	633551 / 253710Koordinate: 47° 26′ 0″ N, 7° 53′ 0″ O; CH1903: 633551 / 253710
Höchi:	595 m ü. M.
Flächi:	4,98 km²
Iiwohner:	777 (31. Dezämber 2022)
Website:	www.ruenenberg.ch
	Rünebrg Rünebrg
Charte
	Charte vo Rünenberg

Dialäkt: Baseldytsch

Rünebrg (hochdytsch Rünenberg) isch e politischi Gmeind im Bezirk Sissech vom Kanton Basel-Landschaft in dr Schwiiz.

Lag

Rünebrg liggt uff 595 m ü.M. am Fuess vom Wiisebärg (1001 m ü.M.) uff em Plato "Bärg" zwischem Homburger- und em Eitel. Unter em Gmeinibann fiehrt dr Basistunnel vo dr Hauestailinie (Ysebahn) dure. Nochbergmeinde sin Kilchbrg, Gälterchindä, Däggnau, Häfelfinge, Rümlike und Zeglige.

Wappe

S Wappe zeigt uff blauem Grund es silbrigs Margritli mit ere goldige Mitti vo dr Blüete. Die Blueme isch ins Wappe ko, will d Matte um Rünebrg im 19. Joorhundert voll vo ihne gsi isch und me de Rünebärger zem Spitzname Margrite gseit hett.

Gschicht

Urkundlig isch Dorf 1102 als Runachperh s erschti Moll erwähnt. 1454 hetts denn Runenberg gheisse. D Stroos vo de Reemer, wo d Summerau (bi Diepflike mit Zeglige verbunde hett, isch übere Rünebrg gange. 1392 hett dr Bischof vo Basel dr Graf Hermann vo Thierstei mit em Hof vo Rünebrg belehnt. Rünebrg isch eine vo de fünf Ort gsi, wo d Landgricht vom Sisgau unter freiem Himmel tagt hän. 1461 isch dr Ort an d Stadt Basel gfalle.

Perseenligkeite

Folgendi Manne sin Bürger vo Rünebrg gsi

dr General Johann August Sutter, dr «Kaiser vo Kalifornie»
Martin Grieder alias Martin Birmann, dr gross Sozialpionier vom Baselbiet
Niklaus Riggenbach, dr Erbauer vo dr Vitznau-Rigi-Bahn

Sehenswürdigkeite

e Findling, wo an Johann Auguscht Sutter und dr Martin Birmann erinnere
Wasserfall Giesse
Alti Dorflinde

Weblink

Fuessnoote

↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023

Dä Artikel basiert uff ere fräie Übersetzig vum Artikel „Rünenberg“ vu de dütsche Wikipedia. E Liste vu de Autore un Versione isch do z finde.

[1] Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023

[1]