IMMAGINE&POESIA

IMMAGINE&POESIA Poster (2008) vom Gianpiero Actis, Italie

Gedicht und gmoolti Charte, wo vo IMMAGINE&POESIA Mitgliider für dr Yoko Ono ihre Wunschbaum gmacht worde si. (Installatione in dr MoMA und em Hirshhorn Museum

IMMAGINE&POESIA isch en internationali gegewärtigi Kunstbewegig, wo Bilder und s gschriibnige Wort verbindet.

Ursprung

D Bewegig isch im Alfa Teatro z Turin, Italie, im Johr 2007 gründet worde von ere chliine Gruppe vo Dichder und Künstler, drunder d Aeronwy Thomas, im Dylan Thomas si Dochder, d Lidia Chiarelli, dr Gianpiero Actis und anderi, wo glaube, ass wenn mä s gschriibene Wort und s Bild mitenand verbindet, e neus Wärk schafft, wo grösser isch as die beide Deil jede für sich.

Dr amerikanisch Dichder Lawrence Ferlinghetti und dr italiänisch Künstler Ugo Nespolo si Mitgliider vo IMMAGINE&POESIA sim Ehrekommitee. D Beverly Matherne, e Dichder und ä Profässer an dr Northern Michigan University, isch au e Mitgliid vo dr Bewegig. Die offizielle Kunstkritiker vo dr Bewegig si d Mary Gorgy und dr Enzo Papa.

S Manifest

S Manifest isch uf 28 Sprooche übersetzt worde. Es bestoht us zäh Pünggt, dr vierti redet vo Augeblick vo gegesiitiger Befruchdig für Künstler und Dichder: ä Mooler chan e Dichder inspiriere oder e Dichdig cha zu dr Schöpfig vom ene Kunstwärk füehre, und s Resultat isch e neuji, vollständigeri Form vo Kunst.

Ustellige

Sid 2007 het d Bewegig Gedichtläsige organisiert und Ustellige, wo Bild und Wort äng verbunde si. Die wichdigste Ereignis si z Italie, z Grossbritannie und in de USA gsi.

• 
  D Aeronwy Thomas z Turin,Italie, 2006
• 
  Dr amerikanisch Dichder Lawrence Ferlinghetti
• 
  Logo

Web Site

https://immaginepoesia.jimdo.com/