Damasus II.

Dr Damasus II., vorhär Poppo vu Brixen (* vermuetli z Pildenau bi Ering, Niderbayern; † 9. Augschte 1048 z Palestrina), isch Papscht vum 17. Juli bis 9. Augschte 1048 gsii. Är giltet wäg syre Härchumft un syre Nechi zum salische Chaiser as „dytsche Papscht“.

Lääbe

Dr Poppo vu Brixen, mit em Byname Baginarius (dr Bayer), isch us em bayrische Adelsgschlächt vu dr Babone chuu un isch e Suhn vum Grof Poppo II. vu Rott (oder no andere Quälle ne Suhn vum Vogt Chuno vu Benediktbeuern) gsii. Im Liber Pontificalis wird er natione Noricus, qui alio vocabulo Bayuuarius dicitur gnännt^[1] Är isch syt 1039 Bischof vum Bischtum Brixen gsii un isch derwäge 1046/47 bi dr Synode vu Pavia, Sutri un Rom derby gsii.^[2]

An dr Wynächte 1047 isch er vum Chaiser Heinrich III. z Pöhlde geg dr Benedikt IX. zum Papscht bstimmt wore. Dr Poppo isch uf Ghaiß vum Chaiser vun ere Armee vum Markgrof vu Toskana uf Rom brocht wore, wu dr Ufdrag kiregt ghaa het, dr Benedikt IX. gwaltsam vum Stuel Petri z verdrybe. Am 16. Juli 1048 het dr Poppo mit ere toskanische Strytmacht z Rom chenne yyzie un isch am Dag druf as Papscht gweit wore. Dr Benedikt isch im Johr vorhär scho mol vum Papschtdron verdribe wore. Noch em Dood vum Clemens II., wun er soll vergiftet haa, het er aber d Herrschaft wider an si grisse.

Dr Poppo isch 24 Däg as Damasus II. uf em Stuel Petri ghockt, vorbe er z Palestrina – vermuetli an der Malaria – gstorben isch, s isch umstritte, eb er villicht vu Aahänger vum Benedikt IX. vergiftet woren isch. Vergrabe wore isch er in dr Basilika San Lorenzo fuori le mura z Rom.^[3]

Dr Damasus isch in dr Zyt vu sym Pontifikat wyter au Bischof vu Brixen blibe. Däm Bischtum het er noch em Brixner Bischofskatalog us em frieje 15. Johrhundert e choschtbar Altarduech (pallam altaris optimam Brixinam misit) vermacht.^[1] Iber sy churz Pontifikat waißt mer nyt.

Literatur

Ernst Steindorff: Damasus II. In: Allgemeine Deutsche Biographie (ADB). Band 4, Duncker & Humblot, Leipzig 1876, S. 714 f.
Reinhard Elze: Damasus II. In: Neue Deutsche Biographie (NDB). Band 3, Duncker & Humblot, Berlin 1957, ISBN 3-428-00184-2, S. 498.
Friedrich Wilhelm Bautz: DAMASUS II. In: Biographisch-Bibliographisches Kirchenlexikon (BBKL). Band 1, Hamm 1975, Sp. 1200.
Rudolf Schieffer: Damasus II. In: Lexikon des Mittelalters (LexMA). Band 3, Artemis & Winkler, Münche/Züri 1986, ISBN 3-7608-8903-4, Sp. 470.
Paolo Bertolini: Damaso II. In: Massimiliano Pavan (Hrsg.): Dizionario Biografico degli Italiani (DBI). Band 32 (Dall'Anconata–Da Ronco), Istituto della Enciclopedia Italiana, Rom 1986, S. 289–292 (italienisch).
Paolo Bertolini: Damaso II. In: Massimo Bray (Hrsg.): Enciclopedia dei Papi. Band 2: Niccolò I, santo, Sisto IV. Istituto della Enciclopedia Italiana, Rom 2000, S. 153–156 (treccani.it)..
Hans Göttler: Spurensuche nach Papst Damasus II. in Pildenau am Inn: Geschichte und Legende des 1. Pontifex Maximus aus Altbayern. Töpfl, Tiefenbach 2005, ISBN 3-927108-75-8.
Karl Mittermaier: Die deutschen Päpste: Gregor V., Clemens II., Damasus II., Leo IX., Viktor II., Stephan IX., Hadrian VI. Styria, Graz 1991, ISBN 3-222-12068-4.

Weblink

Commons: Damasus II. – Sammlig vo Multimediadateie

Literatur vu un iber Damasus II. im Katalog vu dr Dütsche Nazionalbibliothek

Fueßnote

↑ ^1,0 ^1,1 Martin Bitschnau, Hannes Obermair: Tiroler Urkundenbuch, II. Abteilung: Die Urkunden zur Geschichte des Inn-, Eisack- und Pustertals. Band 1: Bis zum Jahr 1140. Universitätsverlag Wagner, Innsbruck 2009, ISBN 978-3-7030-0469-8, S. 189.
↑ Karl Mittermaier: Die deutschen Päpste: Gregor V., Clemens II., Damasus II., Leo IX., Viktor II., Stephan IX., Hadrian VI. Graz 1991, S. 90.
↑ Karl Mittermaier: Die deutschen Päpste: Gregor V., Clemens II., Damasus II., Leo IX., Viktor II., Stephan IX., Hadrian VI. Graz 1991, S. 91–92.

Vorgänger	Amt	Nachfolger
Benedikt IX.	Papscht 1048	Leo IX.

Dä Artikel basiert uff ere fräie Übersetzig vu dere Version vum Artikel „Damasus_II.“ vu de dütsche Wikipedia. E Liste vu de Autore un Versione isch do z finde.

[Tiroler_Urkundenbuch-1] 1,0 ^1,1 Martin Bitschnau, Hannes Obermair: Tiroler Urkundenbuch, II. Abteilung: Die Urkunden zur Geschichte des Inn-, Eisack- und Pustertals. Band 1: Bis zum Jahr 1140. Universitätsverlag Wagner, Innsbruck 2009, ISBN 978-3-7030-0469-8, S. 189.

[2] Karl Mittermaier: Die deutschen Päpste: Gregor V., Clemens II., Damasus II., Leo IX., Viktor II., Stephan IX., Hadrian VI. Graz 1991, S. 90.

[3] Karl Mittermaier: Die deutschen Päpste: Gregor V., Clemens II., Damasus II., Leo IX., Viktor II., Stephan IX., Hadrian VI. Graz 1991, S. 91–92.

[1]

[2]

[3]