Bebop

Dr Howard McGhee (tp), Miles Davis (p), Brick Fleagle (g); dr Maa im Hindergrund isch umbekannt

Dr Thelonious Monk, Howard McGhee, Roy Eldridge und Teddy Hill vor Minton's Playhouse, Nöi York, Septämber 1947

Dr Bebop isch e Stiilrichdig, wo am Aafang vo de 1940er Joor im Jazz dr Swing as Hauptstiilrichdig abglööst het und dr Ursprung vom Modern Jazz worde isch.

Dr Stiil

Dr Dizzy Gillespie, 1955

Wääsentligi Elimänt vom Bebop sin die gröösseri rhüthmischi Freihäit für s Schlaagzüüg und dr Bass, schnälli Tempi und komplexi Harmonie-Schema. Komponiste vom Bebop häi sich vilmol uf dradizionelli Theme und Harmonie gstützt. Für e Bebop si d Improvisazioone uf lange formale Streckene wääsentlig.

Mit em Bebop het sich dr Dschääs as Underhaltigsmuusig verabschiidet und isch mee und mee zur Kunstmuusig stilisiert worde. Groossi Däil vo dr Kritik und vom Publikum häi en abgleent. Drzue isch choo, ass d Schallblatte gänderet het, wie d Lüt uf d Muusig gluegt häi. Die flüchdige Improwisazioone vo de Muusiker si dur d Schallblatte gspiicheret worde und e Sammler- und Expärtedum isch entstande, vor allem in dr wisse amerikanische Middelschicht und under de öiropäische Intellektuelle. Mit dr verbesserete Ufnaamtechnik isch dr Solist sterker as früener as Individuum und Künstlerpersönligkäit uusegstande. Dr Dschääs het für immer sis Imidsch von ere Populärkultuur verloore, wo für jeede zuegänglig isch.

Wichdigi Album

• Charlie Christian: Swing To Bop (Dreyfus, 1939–41)
• Dizzy Gillespie: The Complete RCA Victor Recordings (Bluebird, 1937–49)
• Howard McGhee: On Dial – The Complete Sessions 1945–1947 (Spotlite)
• Thelonious Monk: Genius Of Modern Music, Volume 1 & 2 (Blue Note, 1947–48)
• Fats Navarro: The Complete Fats Navarro on Blue Note & Capitol (Blue Note, 1947–49)
• Charlie Parker: The Charlie Parker Story (Savoy, 1945), The Complete Savoy And Dial Studio Recordings (Savoy Records, 1944–48)
• Charlie Parker: Charlie Parker Memorial, Vol. 1 (Savoy, 1947/48)
• Charlie Parker: The Bird Returns (Savoy, 1948/49; Mitschnitt vo sine Ufdritt im Nöi Yorker Royal Roost)
• Charlie Parker: Bird: The Complete Charlie Parker on Verve (Verve; sini Ufnaame für Mercury 1947–54)
• Charlie Parker, Dizzy Gillespie, Bud Powell, Charles Mingus, Max Roach: The Quintet – Jazz at Massey Hall (OJC, 1953)
• Bud Powell: The Amazing Bud Powell (Blue Note, 1949/51) (Quintett mit em Sonny Rollins und Navarro, Trio- und Solo-Ufnaame)
• Horace Silver: ´´Six Pieces of Silver´´ (Blue Note, 1956)

Litratuur

• Joachim Ernst Berendt & Günther Huesmann: Das Jazzbuch. ISBN 3-596-10515-3

Dä Artikel basiert uff ere fräie Übersetzig vum Artikel „Bebop“ vu de dütsche Wikipedia. E Liste vu de Autore un Versione isch do z finde.