Vlakhaas
| Vlakhaas Rooipootjie | |
|---|---|
| |
| Wetenskaplike klassifikasie | |
| Koninkryk: | |
| Filum: | |
| Klas: | |
| Orde: | |
| Familie: | |
| Genus: | |
| Spesie: | L. capensis
|
| Binomiale naam | |
| Lepus capensis Linnaeus, 1758
| |
Die vlakhaas of rooipootjie (Lepus capensis) is 'n haas wat in die meeste dele van Afrika voorkom. Die vlakhaas is kleiner as die kolhaas en die springhaas. Die springhaas is egter nie 'n ware haas nie maar 'n knaagdier.
Voorkoms
[wysig | wysig bron]Die kleur van die vlakhaas varieer baie. By vlakhase wat in vogtiger dele woon is die lyf dofgeel met swartgrys spikkels terwyl die agternekkol bruinpienk en die stert bo donker en onder wit is. By die vlakhase in droër gebiede is die lyf gryswit, die agternekkol is liggrys en die stert bo is dofswart en wit onder. Om die oë van al die tipes vlakhase is 'n soom van liggeel hare en net bokant die oë is 'n langwerpige ligbruin kol. Die wyfie is effens groter as die mannetjie. Volwasse vlakhase word gemiddeld 70 cm lank.
Habitat en voorkoms
[wysig | wysig bron]Hulle verkies operige droë grasvlaktes met kolle lang gras of bossies vir skuiling. Hulle is naglewend en gevoelig vir koue. Hierdie hase woon nie in gate nie, maar sal wel gate gebruik om in te skuil as hulle gevaar vermoed wat kolhase nie doen nie. Oor die algemeen word telkens twee kleintjies gebore na 'n dratyd van ±6 weke. Vlakhase het 'n moontlike lewensduur van 5-6 jaar. Vlakhase se natuurlike vyande is die luiperd, leeu, rooikat, vaalboskat, wildehond en breëkoparend.
Sien ook
[wysig | wysig bron]- Lys van Suider-Afrikaanse soogdiere
- Lys van Suider-Afrikaanse soogdiere volgens wetenskaplike name
- Suider-Afrikaanse soogdiere en hul ordes
Bronnelys
[wysig | wysig bron]- Lagomorph Specialist Group (1996). Lepus capensis. 2006 IUBN-rooilys van bedreigde spesies. Internasionale Unie vir die Bewaring van die Natuur 2006. Verkry op 2006-05-06.
- Soogdiere van die Krugerwildtuin en ander Nasionale Parke (1979). Saamgestel deur Die Nasionale Parkeraad. 'n Publikasie van die Raad van Kuratore vir Nasionale Parke van die Republiek van Suid-Afrika. ISBN 0-86953-027-5.
- Die Soogdiergids van Suider-Afrika. Burger Cillié. 2009. ISBN 978-1-875093-46-5
