Vlag van Tanzanië

Vlag van Tanzanië

Vlag van Tanzanië
Gebruik	Nasionale vlag en vaandel
Verhouding	2:3
Goedgekeur	30 Junie 1964
Ontwerp	’n Driekleur in groen, swart en blou met geel fraaiings langs die swart baan en die swart baan loop skuins oor die vlag.

Die nasionale vlag van Tanzanië is op 30 Junie 1964 amptelik in gebruik geneem. Die vlag vertoon ’n driekleur in groen, swart en blou met geel fraaiings langs die swart baan wat skuins oor die vlag loop van onder in die vlagpaalkant tot bo in die wapperkant.

Simboliek

Groen stel die natuurlike plantegroei in die land voor, swart stel die inheemse Swahili-bevolking van die land voor, blou stel die baie mere en riviere en die Indiese Oseaan voor en geel stel die land se minerale rykdom voor.

Ontwerp

Net soos die naam van die land ’n kombinasie is van Tanganjika en Zanzibar, so is die vlag ’n samestelling van die vlae van hierdie twee voormalige state. Die vlag van Tanganjika is horisontaal gestreep in groen, swart en groen met geel fraaiings om die swart baan, en die vlag van Zanzibar was tot 1964 ’n horisontaal gestreepte driekleur in swart, geel en blou. Sedert Januarie 2005 gebruik Zanzibar ’n blou, swart en groen driekleur met vlag van Tanzanië in die skildhoek.

Ander vlae

• 
  Vlag van Duits-Oos-Afrika, 27 Februarie 1885 tot 25 November 1918.
• 
  Voorgestelde vlag van Duits-Oos-Afrika (nooit gebruik), 1914.
• 
  Voorgestelde vlag van Duits-Oos-Afrika (nooit gebruik), 1914.
• 
  Voorgestelde vlag van Duits-Oos-Afrika (nooit gebruik), 1914.
• 
  Vlag van Tanganjika, 1919 tot 1961
• 
  Vlag van Tanganjika, 1961 tot 1964
• 
  Vlag van Zanzibar, 10 Desember 1963 tot 12 Januarie 1964
• 
  Vlag van Zanzibar, 12 tot 29 Januarie 1964
• 
  Vlag van die Volksrepubliek van Pemba, 18 Januarie tot 7 April 1964
• 
  Vlag van Zanzibar en Pemba, 29 Januarie 1964 tot 26 April 1964
• 
  Vlag van Zanzibar

Sien ook

• Vlag van Zanzibar

Eksterne skakels

• (en) Tanzanië by Flags of the World.
• (en) "Flag of Tanzania". Encyclopædia Britannica. Besoek op 15 Mei 2019.

Hierdie artikel is in sy geheel of gedeeltelik vanuit die Engelse Wikipedia vertaal.