Viljoen

Viljoen-familiewapen.

Viljoen is 'n Afrikaanse van van Franse Hugenote-oorsprong en alle Viljoens is nasate van die stamvader François Vilion, 'n wamaker, wat in Oktober 1671 aan die Kaap van Goeie Hoop gearriveer het as Hugenootvlugteling. Vir 18 maande is hy in diens van die VOC, waarna hy 'n vryburger word en as wamaker werk. In 1676 tree hy aan die Kaap in die huwelik met Cornelia Campenaar van Middelburg, Nederland. Die egpaar vestig hulle as vryburgers op die plaas Idasvallei in die Stellenboschdistrik, wat deur goewerneur Simon van der Stel aan hulle toegeken is as een van ses vryburgerplase in die distrik. Twee van hulle seuns, Henning Viljoen en Johannes Viljoen, het die stamnaam voortgesit in onderskeidelik die Henning-stam en die Johannes-stam van die Viljoens.

Onder die bekende Viljoens is die volgende:

• Ben Viljoen (1869-1917), soldaat (Boere-generaal tydens die Anglo-Boereoorlog), skrywer, boer.
• Christo Viljoen (1937}, ingenieur, akademikus, skrywer van die Viljoen Familieregister en Pienaar Familieregister.
• Constand Viljoen (1933–2020), Hoof van die Suid-Afrikaanse Weermag, oud-politikus.
• Gerrit Viljoen (1926-2009), Rektor van die Randse Afrikaanse Universiteit en kabinetsminister.
• Hardus Viljoen, Suid-Afrikaanse krieketspeler.
• Jan Viljoen (1812-1893), boerepionier, Boerekommandant en grootwildjagter van Marico, Tvl.
• Marais Viljoen (1915-2007), politikus en seremoniële Staatspresident van Suid-Afrika.

Eksterne skakels

• Geargiveer op Wayback Machine