Solomon ibn Gabirol

Solomon ibn Gabirol soms ook vermeld as Solomon ben Judah; Hebreeus: שלמה בן יהודה אבן גבירול, Shelomo ben Yehuda ibn Gevirol; Arabies: أبو أيوب سليمان بن يحيى بن جبيرول, Abu Ayyūb Suleiman ibn Yahya ibn Jabirūl; Latyn: Avicebron, was 'n Joodse digter en filosoof. Hy was 'n aanhanger van die neoplatonisme.

Biografie

Daar is maar weinig bekend oor Gabirol se lewe. Hy word omstreeks 1021 in Málaga gebore. Sy ouers sterf toe hy nog 'n kind was. Toe hy 17 jaar oud was word hy die vriend en leerling van Jekuthiel Hassan. Nadat Hassan vermoor word as gevolg van 'n politieke samewering, skryf Gabirol vir hom 'n elegie van meer as 200 verse. Later inspireer die dood van Hai Gaon hom om soorgelyke gedigte te skryf. Op twintig skryf Gabirol Anaḳ, 'n gedig van 400 verse, verdeel in 10 stukke, geheel in Hebreeus. Hiervan is 95 reëls bewaar deur Solomon ben Abraham ibn Parhon.

Gibirol swerf vir lank rond in Spanje. Hy word bevriend met Samuel ibn Naghrela, maar later ontwikkel daar onenigheid tussen hulle. Alle bronne is dit eens dat Gabirol op vroeë ouderdom oorlede is, moontlik rondom 1058 of 1059. Volgens 'n legende sou 'n moslemdigter hom doodgemaak het en hom daarna onder 'n boom begrawe het.

Sy rol in Neoplatonisme

Gabirol was een van de eerste leraars van neoplatonisme in Europa. Sy rol in neoplatonisme word dikwels vergelyk met die van Philo van Alexandrië. Sommige geleerdes meen dat Gabirol probeer het om neoplatonisme te versoen met die Joodse teologie. Gabirol se werk inspireer latere filosowe, waaronder Moses ibn Ezra.

Bronne

Davidson, Israel (1924). Selected Religious Poems of Solomon ibn Gabirol. Schiff Library of Jewish Classics. Translated by Zangwill, Israel. Philadelphia: JPS. p. 247. ISBN 0-8276-0060-7. LCCN 73-2210.
Bokser, Ben Zion (2006). From the World of the Cabbalah. Kessinger. p. 57. ISBN 9781428620858.
Pessin, Sarah (April 18, 2014). "Solomon Ibn Gabirol [Avicebron]". In Zalta, Edward N. (ed.). The Stanford Encyclopedia of Philosophy (Summer 2014 ed.). Retrieved October 13, 2015.
Baynes, T. S., ed. (1878). "Avicebron" . Encyclopædia Britannica. 3 (9th ed.). New York: Charles Scribner's Sons. p. 152.
Raphael, Loewe (1989). Ibn Gabirol. London: Cambridge: Cambridge University Press.
"Shelomo Ibn Gabirol (1021/22 - c. 1057/58)". pen.org. Pen America. Retrieved October 14, 2015.
Scheindlin, Raymond P. (1986). Wine, Women, & Death: Medieval Hebrew Poems on the Good Life. Philadelphia: Jewish Publication Society. p. 204. ISBN 978-0195129878.
"Solomon Ibn Gabirol". chabad.org. Retrieved October 14, 2015.
Singer, Isidore; et al., eds. (1901–1906). "IBN GABIROL, SOLOMON BEN JUDAH (ABU AYYUB SULAIMAN IBN YAḤYA IBN JABIRUL), known also as Avicebron". The Jewish Encyclopedia. New York: Funk & Wagnalls. Retrieved October 15, 2015.