Mount Mansfield

Mount Mansfield
Ligging	Vermont (VSA)
Hoogte	1 339 meter bo seevlak
Reeks	Groen Berge
Koördinate	44°32′N 72°48′W
Maklikste roete	Voetslaanpad

Mount Mansfield is die hoogste berg in die Amerikaanse deelstaat Vermont. Sy hoogste piek in die dorp Underhill is op 4 393 voet (1 339 meter) bo seevlak.

Die berg lyk baie op 'n menslike gesig mits dit vanuit die weste bekyk word, met 'n duidelike voorkop, neus, lippe, ken (die hoogste piek) en 'n adamsappel. Hierdie kenmerke is duidelik sigbaar wanneer die berg vanuit die ooste in 'n westelike rigting bekyk word.

Mount Mansfield is een van die twee plekke in Vermont waar egte toendra uit die Ystydperk bewaar gebly het. 'n Paar akkers toendra kan op Camel's Hump net suid van die berg besigtig word, maar die toendra op die hoogste bergspits van Mount Mansfield beslaan 'n verdere 200 akkers of wat.

Die berg dien as 'n ontspanningsgebied, maar word ook vir kommersiële doeleindes gebruik. Die bergspits huisves uitsaaitorings vir 'n aantal plaaslike radio- en televisiestasies. Mount Mansfield spog met talle voetslaanpaaie, waaronder die Long Trail, wat deur die hoofrantlyn loop. Daarnaas word die oostelike helling van Mount Mansfield deur die Stowe-bergoord vir sowel skisport as toerisme gebruik, met 'n tolpad vir motorvervoer.