Owen-waterval
Die Owen-waterval was 'n waterval in die Victoria-Nyl in Uganda. Hierdie waterval was net-net noord van die ewenaar by 00° 26′ 37″ noord en 33° 11′ 05″ oos, noordwes van Jinja en 4 km van die punt waar die Victoria-Nyl die Victoriameer verlaat. Die val was 10 m hoog.
In die 1950’s is 'n studam, die Owen Falls-dam (ook Nalubaale-dam genoem) vir die regulering van die rivierwaterpeil gebou en het die val in 1954 onder die water verdwyn. Hidroëlektrisiteit wat hier opgewek word, word aan Uganda en Kenia gelewer.