Hasjemiete

Huis van Hasjim الهاشميون Hasjemiete
Land	Hedjaz (in die huidige Saoedi-Arabië), Sirië, Irak, Jordanië
Gestig	1916 in Hedjaz 1920 in Sirië 1921 in Irak en Jordanië
Stigter	Hoessein bin Ali, Sherif van Mekka
Finale heersers	Ali in Hedjaz Faisal I in Sirië Faisal II in Irak
Huidige hoofde	Jordanië: Abdoellah II Irak: Ra'ad bin Zeid
Erfgename	Jordanië: Hoessein Irak: Zeid

Die Hasjemiete (Arabies: الهاشميون, Al-Hāshimīyūn; ook bekend as die Huis van Hasjim) is die koninklike familie van Jordanië, waaroor hulle sedert 1921 regeer. Hulle was ook die vorstehuis van Sirië (1920), Hedjaz (1916-1925) en Irak (1921-1958).

Geskiedenis

Die familie behoort tot die Dhawoe Awn, een van die takke van die Hasanidiese sherifs van Mekka – waarna ook as die Hesjemiete verwys word – wat van die 10de eeu af oor Mekka regeer het totdat die Huis van Saoed dit in 1924 verower het. Hulle naam kom volgens tradisie van Hasjim ibn Abd Manaf, die oupagrootjie van die Islamitiese profeet Mohammed. Die Hasanidiese sherifs van Mekka (van wie die koninklike familie direk afstam), insluitende die Hasjemiete se voorvader Qatadah ibn Idris, was Zaiditiese Sjiiete tot die laat Mameluk- of vroeë Ottomaanse tydperk, toe hulle Sjafitiese Soenniete geword het.

Die huidige dinastie is gestig deur sjarief Hoessein ibn Ali, wat in 1908 deur sultan Abdülhamid II as sjarief en emir van Mekka aangestel is. Hy is in 1916 tot koning van die Arabiese lande verklaar (maar is net as koning van die Hedjaz erken) nadat hy die Arabiese opstand teen die Ottomaanse Ryk geïnisieer het. Sy seuns Abdoellah en Faisal het in 1921 koning van onderskeidelik Jordanië en Irak geword.

Eksterne skakels

• Wikimedia Commons het meer media in die kategorie Hasjemiete.