KwaDukuza

KwaDukuza Stanger
Stad
Gedenkteken vir Shaka in KwaDukuza
KwaDukuza  KwaDukuza se ligging in KwaZulu-Natal
Koördinate: 29°20′00″S 31°17′30″O
Land	Suid-Afrika
Provinsie	KwaZulu-Natal
Distrik	iLembe
Munisipaliteit	KwaDukuza
Stigting	1825 as Dukuza, 1873 as Stanger
Oppervlak
• Totaal	32,37 km2 (12,50 vk. myl)
Bevolking  (2011)
• Totaal	51 536
• Digtheid	1 592/km2 (4 120/vk. myl)
Rasverdeling (2011)
• Wit mense	0,7%
• Indiërs/Asiërs	43,7%
• Bruin mense	1,9%
• Swart mense	53,0%
• Ander	0,7%
Taal (2011)
• Engels	47,7%
• Zoeloe	46,1%
• Xhosa	1,4%
• Ander	4,8%
Poskode (strate)	4449
Poskode (posbusse)	4450

KwaDukuza is 'n dorp in die ooste van Suid-Afrika, in KwaZulu-Natal. Die naam van die dorp was voorheen Stanger, maar is in 2006 amptelik gewysig na KwaDukuza.

Geskiedenis

Standbeeld van Albert Luthuli in KwaDukuza

Die huidige dorp is in 1873 gestig en vernoem na William Stanger, die eerste landmeter-generaal van Natal.

Zoeloegeskiedenis

Die dorp speel 'n belangrike rol in die Zoeloes se geskiedenis. Shaka, die groot krygerkoning het twee koninklike krale gebou het wat albei kwaBulawayo (die plek van die een wat vervolg is) genoem was. Hy het ook 'n hoofstad hier gebou wat hy kwaDukuza (plek van die verlorene) genoem het. Daar was ongeveer 2 000 tradisionele hutte in die hoofstad. Shaka is op 22 September 1828 vermoor deur sy twee halfbroers, Mhlangane en Dingane. Hy is hier begrawe en in 1932 het die Zoeloes 'n gedenkteken vir hom opgerig. Die Zoeloes vier jaarliks op 24 September Shakadag.

Distrik

Die dorp is 'n kommersiële sentrum vir een van die grootste suikerplantasies in die land.

Susterstede

• Swakopmund, Namibië, sedert 2013.

Sien ook

• Lys van dorpe in Suid-Afrika

Bronne

• Op Pad in Suid-Afrika. B.P.J. Erasmus. 1995. ISBN 1-86842-026-4