Driebandstrandkiewiet
| Driebandstrandkiewiet | |
|---|---|
| |
| Enkeling in die Rufidjirivier, Tanzanië | |
| Wetenskaplike klassifikasie | |
| Domein: | |
| Koninkryk: | |
| Filum: | |
| Klas: | |
| Orde: | |
| Familie: | |
| Genus: | |
| Spesie: | C. tricollaris
|
| Binomiale naam | |
| Charadrius tricollaris Vieillot, 1818
| |
Die Driebandstrandkiewiet (Charadrius tricollaris) is 'n algemene standvoël in Oos- en suidelike Afrika, en subspesie is tot Madagaskar beperk. Hierdie waadvoël word wydverspreid oor suider-Afrika aangetref waar hul streekbevolking op sowat 25 000 individue geskat word. Hulle vreet insekte, wurms en ander ongewerweldes op die oewers en in die vlak waters van spruite, riviere, panne en damme.
Beskrywing
[wysig | wysig bron]Die geslagte lyk eenders en het albei duidelike swart bande oor die bors. Hulle het kenmerkend rooi orbitale ringe en 'n rosige snawelbasis, soos dié van die kroonkiewiet, wat egter groter is en nie tot die waterrand beperk is nie. Hulle het 'n lang stert en opvallend lang vlerke (die vlerkspan is 46 cm) met 'n wit vlerkband wat in vlug opmerklik is. Die voëls word 18 cm groot en weeg 28 - 45 gram. Hulle uiter 'n skerp whiet-whiét roep.
In Engels staan die spesie bekend as die Three-banded plover.
Sien ook
[wysig | wysig bron]- Alfabetiese lys van Suid-Afrikaanse voëls
- Lys van Suid-Afrikaanse voëls (gegroepeer)
- Lys van Suider-Afrikaanse voëls volgens wetenskaplike name
Bron
[wysig | wysig bron]- Sasol Voëls van Suider-Afrika. Struik Nature. Vierde uitgawe 2011. ISBN 978-1-77007-926-7
Verwysings
[wysig | wysig bron]- ↑ BirdLife International (2012). "Charadrius tricollaris". IUBN-rooilys van Bedreigde Spesies. Weergawe 2012.1. Internasionale Unie vir die Bewaring van die Natuur. Besoek op 16 Julie 2012.
{{cite web}}: Ongeldige|ref=harv(hulp)